«Ädılet» saiasi partiiasyn qoldaityndar sany artyp keledı. Olardyŋ qataryn qūrylys, densaulyq saqtau, bılım beru, kölık, telekommunikasiia,
turizm, käsıpkerlık jäne mūnai servistık salalarynda jūmys ısteitın ırı salalyq bırlestıkter, käsıbi qauymdastyqtar men sarapşylyq ūiymdar tolyqtyrdy.
Atap aitqanda, Qazaqstannyŋ Azamattyq aliansy, Qazaqstan mūnai servistık kompaniialary odaǧy, Sarapşylyq ūiymdar palatasy, Ūlttyq densaulyq saqtau palatasy, Qazaqstan ūlttyq telekommunikasiia qauymdastyǧy, Qazaqstan bailanys operatorlary qauymdastyǧy, «Kazleasing» Qazaqstan lizingtık kompaniialar qauymdastyǧy, Qazaqstan jük temırjol tasymaldauşylary qauymdastyǧy, Qazaqstan turistık qauymdastyǧy, Euraziialyq turizm qauymdastyǧy jäne özge de ūiymdar bar.
Atalǧan ūiymdar elımızdıŋ barlyq öŋırlerındegı käsıpkerlerdı, jūmys beruşılerdı, salalyq sarapşylar men käsıbi qauymdastyq ökılderın bırıktıredı.
Eske sala keteiık, būǧan deiın «PARYZ» jūmys beruşılerdıŋ ūlttyq konfederasiiasy, Qazaqstan investorlary qauymdastyǧy, Qazaqstan tau-ken
palatasy, Qazaqstan avtomobil odaǧy, Medisinalyq jäne farmasevtikalyq biznes ūlttyq qauymdastyǧy, «Qazaq Green» jaŋartylatyn energiia közderı qauymdastyǧy, Qazaqstandaǧy jasandy intellekttı damytu qauymdastyǧy, Women in Tech Kazakhstan, Qazaqstan kreativtı industriialar aliansy, Qazaqstan kinematografister ligasy, Q88 aumaqtardy tūraqty damytu qauymdastyǧy, QR äleumettık innovatorlar qauymdastyǧy, SOCIAL INNOVATION HUB, «Jaŋa adamdar» qoǧamdyq bırlestıgı, «Dala qyrandary» qoǧamdyq bırlestıgı jäne basqa da ūiymdar «Ädılet» partiiasyn qoldaitynyn mälımdegen bolatyn.
«Ädılet» partiiasy aldaǧy uaqytta da azamattyq qoǧam instituttarymen jäne eldıŋ tükpır-tükpırındegı belsendı azamattarmen yntymaqtastyqty nyǧaita bermek.
