رۋحاني دامۋ، تۇلعالىق ءوسۋ باعىتىندا تانىمدىق جازبالار جاريالاپ جۇرگەن اۋدارماشى، ديدجيتال-تۋىردىگەر جانەركە جۇماتاي ءوز باسىنان وتكەن وقيعانى ءسوز ەتىپ، قازاق ءتىلىنىڭ قادىر-قاسيەتىنە كۇل شاشپاق بولعانداردى ورنىنا قويدى. بۇل جايلى "ادىرنا" ۇلتتىق پورتالى حابارلادى.
بەكزات بولمىستى قازاقتىڭ قىزى وزگە تىلدە سويلەپ، ءوزىن "بيىك" كورسەتپەك بولعان ءارتىستىڭ توعىشار قىلىعىن سىنعا الدى. وقيعاعا قاتىستى:
- جولعا شىقتىم. اەروپورتتىڭ كۇتۋ زالىندا ەلگە تانىمال ءبىر ءارتىستى كوردىم وتباسىمەن. ءاپ- ادەمى جانۇيا. مەنىمەن بىرگە اۆتوبۋسقا وتىردى، ۇشاققا دەيىن. قۇدايىم- اي! بارعانشا وتباسىمەن اڭگىمەلەرى دە، بالانى جۇباتقانى دا ورىسشا.. اينالايىن، جوعارىداعى شەندىلەر، شەكپەندەر، ءارتىس، اقىن، ديكتور، زيالى قاۋىم. ءوز انا ءتىلىمىزدى سانگە اينالدىرىپ، برەند ەتپەسەك جاعداي قيىن... وتىز جىل بويى الدىمەن ەكونوميكا دەپ، تۇرمىستى كوتەرىپ، شىڭىنا شىققان شىعارمىز. ەندى ەل بولىپ يدەولوگيانى قولعا الماساق بولمايىن دەپ تۇر... - دەپ جازدى اۆتور.
جانەركە جۇماتاي سول ساتتە ارتىستەن ءوز انا تىلىندە سويلەۋدى سىپايى تۇردە تالاپ ەتكەن. دەگەنمەن، ءارتىس بىردەن دۇرسە قويا بەرگەن. بۇل جايلى اۆتور:
- ايتپاقشى، نەگە قازاقشا سويلەمەيسىزدەر دەگەن سۇراققا: - ءوزىڭىز قازاقشادان باسقا وزگە ءتىل بىلمەيتىن مامبەتكا شىعارسىز،- دەگەن جاۋاپ الدىق. مەنىڭ اۋدارمامەن اينالىسىپ جۇرگەنىمدى قايدان ءبىلسىن! - دەدى ءتىل جاناشىرى.
ءارتىستىڭ ارەكەتىن جاقتاپ جاتقان وقىرماندار جوقتىڭ-قاسى. قوراش وقيعاعا قاتىستى قالىڭ كوپشىلىكتىڭ پىكىرى تومەندەگىدەي:
"رۋحانى كەدەي سورلى بولىپ ۇرپاعىن بەيشارا قىلىپ جاتقان زومبيلار. ناداندار!""قۇلدار""استانادا ءبىر شەنەۋنىك ايەلىنىڭ “مەن قازاقستاننان شىققان شوكولادتار «راحات»فابريكاسىنان ەكەنىن ەندى ءبىلىپپىن. ءدامى جاقسى ەكەن” دەگەنى ەسىمە ءتۇسىپ وتىر. ءتىل تۇگىل كونفەتىمىزى مەنسىنبەگەندەر كوپ قوي ء(سوزىن ورىس تىلىندە ايتىپ ەدى).
"ادىرنا" ۇلتتىق پورتالى
