Jyl basynan berı el aumaǧynda şamamen 400 velosiped ūrlanǧan. Būl turaly polisia.kz jazdy, dep habarlaidy «Adyrna» tılşısı.
Resmi mälımetterge süiensek, olardyŋ jartysynan astamy tabylyp, ielerıne qaitarylǧan.
Ūrlyqtar köbıne tüngı uaqytta köpqabatty üilerdıŋ kıreberısterınde, baspaldaq alaŋdarynda jäne tūrǧyn üilerdıŋ aulalarynda jasalady. Poliseilerdıŋ aituynşa, velosiped ielerınıŋ özı qylmysqa qolaily jaǧdai jasap, mülıkterın qarausyz qaldyrady nemese senımsız qūlyptardy qoldanady.
Tärtıp saqşylary bırneşe qarapaiym qauıpsızdık erejesın ūstanuǧa şaqyrdy.
«Ǧimaratqa kıretın jaǧdaida velosipedtı ışke alyp kıru nemese ramasy men artqy doŋǧalaǧyna bırden qūlyp ornatu ūsynylady. Myqty qorǧanys üşın bolattan jasalǧan şynjyrly qūlyp nemese U-lock qapsyrma-qūlyp qoldanu ūsynylady. Sondai-aq velosipedtı tek küzetıletın tūraqtarǧa nemese beinebaqylau kamerasy ornatylǧan aimaqtarǧa qaldyrǧan dūrys. Kölık ielerıne aldyn ala velosipedtı nemese ramadaǧy seriialyq nömırdı suretke tüsırıp alu jäne onyŋ erekşe belgılerın este saqtau ūsynylady»,– delıngen habarlamada.
Aita keteiık, bügın, 3 mausym – Düniejüzılık velosiped künı. Būl kündı BŪŪ Bas Assambleiasy 2018 jyly velosipedtı ekologiialyq taza, qol jetımdı jäne paidaly kölık türı retınde tanymal etu üşın qūrdy.
