QR Aqparat jáne qoǵamdyq damý mınıstri Darhan Qydyráli Mańǵystaý jastarymen kezdesýde «Táýelsizdik urpaqtary» granty aldaǵy jeltoqsanda 33 jasqa tapsyrylatynyn aıtty. Grant «Ǵylym», «Mádenıet», «Aqparattyq tehnologııalar, «Bıznes», «Medıa» baǵyttary boıynsha beriledi.
«Táýelsizdik urpaqtary» granty 2021 jyldan beri Prezıdent tapsyrmasymen júzege asyrylyp keledi. Jeńimpazdardyń negizgi bóligi óńirlerdiń qarapaıym jastary ekenin atap ótý kerek.
Sonymen qatar 10 nomınaııa boıynsha berilip kele jatqan «Daryn» memlekettik jastar syılyǵy ıegerleriniń de aty-jóni jýyrda belgili boldy. Bul týraly Úkimen qaýlysy jýyqta shyqqan bolatyn. Aqtaýda Zhas Project forýmyna qatysqan QR Aqparat jáne qoǵamdyq damý mınıstri Darhan Qydyráli «Otyz jyl ishinde 300-den astam jas «Daryn» syılyǵynyń ıegeri atandy. Munyń ishinde mańǵystaýlyq jas talanttar da bar», - dedi mınıstr.
