Búgin Ulttyq Akademııalyq Kitaphanasynda Halyqaralyq Túrki akademııasynyń uıymdastyrýymen belgili ǵalym, fılologııa ǵylymdarynyń doktory, professor, Túrki keńesi Aqsaqaldar keńesiniń múshesi Ádil Ahmetovtyń jańa kitaptarynyń tusaýkeser rásimi ótti, dep habarlaıdy "Adyrna" ulttyq portaly. Bul týraly tarıh ǵylymdarynyń doktory Darhan Qydyráli, óz Facebook paraqshasynda málimdedi.
Is-sharaǵa Qazaqstan Respýblıkasynyń Memlekettik hatshysy Qyrymbek Kósherbaev, Halyqaralyq Túrki akademııasynyń prezıdenti Darhan Qydyráli, Qazaqstan Respýblıkasynyń bilim jáne ǵylym mınıstri Ashat Aımaǵambetov, Qazaqstan Respýblıkasy Parlamenti Senatynyń depýtaty Qýanysh Sultanov, mınıstrdiń birinshi orynbasary Qazaqstan Respýblıkasynyń Syrtqy ister mınıstri Shahrat Nýryshev, sondaı-aq zııaly qaýym ókilderi men belgili ǵalymdar qatysty.
Jınalysty akademııa basshysy Darhan Qydyráli júrgizdi.
Jańa kitaptardyń tusaýkeserin ashqan Memlekettik hatshy Qyrymbek Kósherbaev Á.Ahmetovtyń ulttyq ǵylymnyń damýyna qosqan úlesin erekshe atap ótti.
Kezdesý barysynda Ádil Ahmetovtyń «Túrki áleminiń yrym-tyıymdary», «Ǵasyr ǵıbraty» jáne «Burynǵy amerıkalyq «úndisterdiń» Altaılyq tegi» atty eńbekteri tanystyryldy.
Halyqaralyq Túrki akademııasy ázirlegen «Túrki áleminiń yrym-tyıymdary» monografııasynda avtor túrki halyqtarynyń túrli tyıymdary men tyıym salynǵan qaǵıdalaryna negizdelgen yrym-tyıymdardy, etıkalyq rásimderdi jan-jaqty taldap, tyıym salynǵan uǵymdardyń túsindirme sózdigin usynady. «Ǵasyr ǵıbraty» kitabynda jahandanǵan álemniń geosaıası kelbeti men álemdik geosaıasattaǵy egemen eldiń júrip ótken jolyn beıneleıtin saraptamalyq maqalalar bar. Sonymen birge ǵalymnyń “Burynǵy amerıkalyq «úndisterdiń» altaılyq tegi” kitabynda alǵashqy amerıkandyqtardyń ata-babalary ǵana emes, olardyń mádenıeti de Eýrazııa keńistigimen, onyń ishinde Ortalyq Azııa aımaǵymen baılanysty degen batyl tujyrymdar jasalǵan.
"Adyrna" ulttyq portaly
