قر اقپارات جانە قوعامدىق دامۋ ءمينيسترى دارحان قىدىرالى ماڭعىستاۋ جاستارىمەن كەزدەسۋدە «تاۋەلسىزدىك ۇرپاقتارى» گرانتى الداعى جەلتوقساندا 33 جاسقا تاپسىرىلاتىنىن ايتتى. گرانت «عىلىم»، «مادەنيەت»، «اقپاراتتىق تەحنولوگيالار، «بيزنەس»، «مەديا» باعىتتارى بويىنشا بەرىلەدى.
«تاۋەلسىزدىك ۇرپاقتارى» گرانتى 2021 جىلدان بەرى پرەزيدەنت تاپسىرماسىمەن جۇزەگە اسىرىلىپ كەلەدى. جەڭىمپازداردىڭ نەگىزگى بولىگى وڭىرلەردىڭ قاراپايىم جاستارى ەكەنىن اتاپ ءوتۋ كەرەك.
سونىمەن قاتار 10 نوميناتسيا بويىنشا بەرىلىپ كەلە جاتقان «دارىن» مەملەكەتتىك جاستار سىيلىعى يەگەرلەرىنىڭ دە اتى-ءجونى جۋىردا بەلگىلى بولدى. بۇل تۋرالى ۇكىمەن قاۋلىسى جۋىقتا شىققان بولاتىن. اقتاۋدا Zhas Project فورۋمىنا قاتىسقان قر اقپارات جانە قوعامدىق دامۋ ءمينيسترى دارحان قىدىرالى «وتىز جىل ىشىندە 300-دەن استام جاس «دارىن» سىيلىعىنىڭ يەگەرى اتاندى. مۇنىڭ ىشىندە ماڭعىستاۋلىق جاس تالانتتار دا بار»، - دەدى مينيستر.
