Aqparat jáne qoǵamdyq damý mınıstri Darhan Qydyráli "El birligi" TikTok house jobasynyń qatysýshylarymen kezdesip, kreatıvti jastardy árqashan qoldaýǵa daıar ekenin jetkizdi, dep jazady "Adyrna" ulttyq portaly.
"Mádenı jáne tarıhı qundylyqtardy, mádenıetaralyq dıalogty nasıhattaýda bul jobanyń máni men mańyzy zor. Búginge deıin jastardyń Tık-Tok-taǵy qaıtalanbas qyzyqty beınerolıkteri alty jarym mıllıonnan astam kórilim, tórt júz jetpis myńnan asa «laık» jınaǵan eken. Bul olardyń eńbekteriniń kópshilik tarapynan joǵary baǵalanyp jatqandyǵynyń aıqyn dáleli.Aldaǵy ýaqytta kórsetkish sany odan da artaryna senimimiz mol. Óıtkeni jastarymyz jarqyn ıdeıalarynyń júzege asýyna jan-tánimen, bar kúsh-jigerin jumsap jatqanyn kórip-baıqap otyrmyz.Tık-Tok búginde mıllıardtaǵan qoldanýshysy bar álemdegi eń tanymal platformalardyń biri. Bizdiń elde Tık-Tok qoldanýshylary arasynda qazaq tilindegi kontentke suranys artyp otyr. Osy oraıda, jaqynda elimizde Tık-Tok kompanııasynyń óńirlik ofısi ashylǵanyn taǵy da tilge tıek etkim keledi. Tık-Tok keńsesiniń ashylýy osy platformanyń belsendi qoldanýshylaryna kóptegen múmkindik beretini sózsiz.Biz óz tarapymyzdan qazaq tildi kontentterdi damytýǵa, jańa sapaǵa kóterýge baılanysty jumystardy jalǵastyra beremiz. Máselen, jaqynda elordada ótetin Ortalyq Azııa medıa forýmyna YouTube arnasynda 18 mıllıonnan astam jazylýshysy jáne 5 mıllıardtan astam qaralymy bar, ózderińizge belgili D Billions mýzykalyq toby keledi. Olardyń elimizge kelýi mańyzdy oı almasýlar men jańa múmkindikterge jol ashady degen úmittemiz. Jastar – qoǵamnyń barlyq salasyndaǵy eń basty qozǵaýshy kúsh. Biz óz tarapymyzdan kreatıvti jastardy árqashan qoldaýǵa daıynbyz",- dep jazdy mınıstr óziniń feısbýk paraqshasynda.
"Adyrna" ulttyq portaly
