Senat depýtaty, burynǵy Aqparat jáne áleýmettik damý mınıstri Darhan Qydyráli Joshynyń qazaq handarynyń arǵy atasy ekenin kórsetý úshin mektep oqýlyqtaryn qaıta jazýdy usyndy, dep habarlaıdy “Adyrna” portaly.
Senator Darhan Qydyráli Premer-Mınıstr Álıhan Smaıylovqa depýtattyq saýal joldady.
"Joshy ulysynyń irgesi qalanǵanyna 800 jyl tolýy qazaq halqynyń shynaıy tarıhyna mańyz berý úshin tamasha múmkindik bolyp otyr. Memleket basshysy taıaýda "Egemen Qazaqstan" gazetine bergen suhbatynda osy aıtýly datany eske saldy. Prezıdent osyǵan oraı bizdiń memlekettiligimizdiń tamyry tereńde jatqanyn áıgileıtin osy aıtýly dataǵa oraı aýqymdy zertteýler júrgizý mańyzdy ekenin atap ótti", – dedi depýtat.
Onyń aıtýynsha, osyǵan deıin Túrki akademııasy Joshy ulysy týraly zertteýler júrgizip, ekspedıııalar uıymdastyrǵan, tipti IýNESKO-da is-shara ótkizgen.
Senator bıylǵy jyly aıaqtalatyn Qazaqstan tarıhy boıynsha kóp tomdyq uly Joshy han týraly da tyń derekter beredi dep úmittenedi.
"Mektep oqýlyqtary osy kóptomdyq negizinde qaıta jazylǵany abzal. Onda Joshynyń qazaq handarynyń atasy ekeni basa aıtylýy tıis. Sonymen qatar oqýlyqtarǵa qazaq memlekettiginiń bastaýlary týraly da sony derekter engizý kerek. Máselen 6-7 synypqa arnalǵan oqýlyqta Moǵolstan memleketine 1 paragraf, 10-synypqa arnalǵan oqýlyqta 4-5 jol ǵana arnalǵan. Al osy Moǵolstan jerinde Shý boıynda Qazaq handyǵynyń negizi qalanǵany belgili", – dedi senator.
Darhan Qydyráli elimizdiń joǵary oqý oryndarynyń oqý baǵdarlamalaryna Qazaqstan tarıhynyń keıingi nusqasyn engizýdiń mańyzdylyǵyn atap ótip, osyǵan baılanysty Úkimet basshysyna birqatar usynystar jasady.
"Joshy ulysyna arnalǵan irgeli zertteýler júrgizý, arnaıy mýzeı jasaqtaý, Edige baıqaýyn ótkizý, Ulytaýdaǵy eskertkish keshenderdi IýNESKO materıaldyq muralar tizimine engizý de ózekti. Elimizde ótetin Dúnıejúzilik kóshpendiler oıyny Joshyny nasıhattaý úshin úlken múmkindik. Sondyqtan olarǵa aqparattyq qoldaý kórsetý, tanymdyq derekti jáne kórkem fılmder men balalarǵa arnalǵan mýltfılmder usyný da mańyzdy", – dedi senator.
