Qazaqstan naryǧyna Soueast otbasylyq krossoverler brendı resmi türde enude. Yntymaqtastyq aiasynda Allur zauytynyŋ Qostanai qalasyndaǧy öndırıstık alaŋynda Soueast avtomobilderın şyǧaru bastaldy. Būl qadam Qazaqstandaǧy avtomobil industriiasyn damytu jäne jergılıktendıru deŋgeiın arttyru jolyndaǧy maŋyzdy kezeŋ sanalady.
Kompaniia ökılderınıŋ aituynşa, strategiialyq kelısımge qol qoiu jäne Qostanaidaǧy Allur alaŋynda öndırıstı ıske qosu jaŋa damu kezeŋınıŋ bastaluyna jol aşady.
«Bız otbasy men adamnyŋ qajettılıkterıne baǧyttalǧan zamanaui krossoverler brendın naryqqa ūsynamyz. Soueast avtomobilderı tehnologiia, qauıpsızdık jäne jailylyqtyŋ üilesımı arqyly qazaqstandyq tūtynuşylar arasynda laiyqty oryn alady dep senemız», – dep mälımdedı Allur kompaniiasy.
Qol jetkızılgen kelısımderge säikes, 2026 jyldan bastap Qazaqstandaǧy Soueast resmi distribiutory el aumaǧynda dilerlık jelını damytumen ainalysady. 2026 jyldyŋ ekınşı toqsanynda Astana, Almaty, Şymkent, Qostanai, Taraz, Qaraǧandy, Kökşetau, Öskemen jäne Atyrau qalalarynda dilerlık ortalyqtar aşu josparlanyp otyr. Qazırgı uaqytta dilerlık käsıporyndardy brend standarttaryna säikestendıru jūmystary jürgızılude.
Tūtynuşylarǧa bırneşe ülgıden tūratyn krossoverler jelısı ūsynylady. C-SUV segmentınde Soueast 06 jäne Soueast 07 modelderı, al D-SUV segmentınde Soueast 09 ūsynylady. Būl avtomobilder zamanaui dizainmen, joǧary tehnologiialarmen jäne qauıpsızdık deŋgeiımen erekşelenıp, bükıl otbasynyŋ jailylyǧyna baǧyttalǧan.
Brend turaly
Soueast – adamdardyŋ ömır salty men taŋdauyna beiımdelgen otbasylyq ärı tehnologiialyq avtomobil brendı. Kompaniia 1995 jyly qūrylǧan jäne Qytaidaǧy alǧaşqy avtomobil öndıruşılerdıŋ bırı sanalady. 2004 jyldan bastap halyqaralyq naryqqa şyǧyp, bügınde 30 jyldan astam täjıribege ie. Jalpy satylym kölemı 1,57 millionnan asady.
Ülgıler qatary
Brend ärtürlı ömır saltyna arnalǧan, bıraq ortaq filosofiiamen – jailylyq, senımdılık jäne qoldanudyŋ jeŋıldıgımen bırıktırılgen krossoverler ūsynady. Modelder SUV-C jäne D-SUV segmentterıne jatady, iaǧni qala ışınde manevrlık jäne qala syrtynda jailylyqty üilestıredı.
Avtomobilder 1.6 jäne 2.0 litrlık zamanaui turboqozǧaltqyştarmen jabdyqtalǧan. Olar quat, dinamika jäne janarmai tiımdılıgınıŋ oŋtaily teŋgerımın qamtamasyz etedı. Toptamaǧa 5 oryndyq jäne 7 oryndyq ülgıler kıredı, būl tūtynuşylarǧa öz qajettılıgıne sai taŋdau jasauǧa mümkındık beredı.
4WD tolyq jetektı jüie kez kelgen aua raiynda – jaŋbyr, qar nemese jolsyz jerlerde – senımdılıktı arttyrady. Al 8 satyly avtomatty berılıs qoraby qozǧalystyŋ bırqalyptylyǧyn jäne basqarudyŋ yŋǧailylyǧyn qamtamasyz etedı.
