Oblysta alǧaş ret «Amanat» partiiasynyŋ «TURGYNDAR AMANATY» jobasy aiasynda «Üidı basqaru: jauapkerşılık, senım, nätije» atty forum öttı. Jiynda köpqabatty tūrǧyn üilerdı basqaru, kommunaldyq infraqūrylymdy jaŋǧyrtu, qauıpsızdık, tūrǧyndarmen kerı bailanysty küşeitu jäne MİB pen PİK jūmysynyŋ tiımdılıgın arttyru mäselelerı talqylandy.
Forum jūmysyna «AMANAT» partiiasynyŋ Hatşysy Şolpan Karinova, Jambyl oblysynyŋ äkımı Erbol Qaraşökeev, QR Parlamentı Mäjılısınıŋ deputaty, «AMANAT» partiiasy fraksiiasynyŋ müşesı Mūqaş Eskendırov, QR Önerkäsıp jäne qūrylys ministrlıgınıŋ Qūrylys jäne tūrǧyn üi-kommunaldyq şaruaşylyq ısterı komitetı töraǧasynyŋ orynbasary Qanat Myŋbaev, barlyq deŋgeidegı mäslihat deputattary, memlekettık jäne kommunaldyq sala ökılderı, sondai-aq öŋırdegı MİB pen PİK basşylary qatysty.
Jiynda «AMANAT» partiiasynyŋ Hatşysy Şolpan Karinova «TURGYNDAR AMANATY» jobasy köppäterlı tūrǧyn üilerge qatysty qordalanǧan mäselelerdıŋ oŋ şeşımın tabuǧa baǧyttalǧanyn aitty. Joba aiasynda MİB jäne PİK töraǧalaryn oqytu, deputattarmen kerı bailanysty küşeitu, äkımdıktermen bırlesken jūmysty jolǧa qoiu, aulalardy abattandyru jäne «Halyq qatysatyn biudjet» tetıgın keŋınen paidalanu közdelıp otyr. Būǧan deiın el aumaǧyndaǧy bırneşe öŋırde däl osy baǧyttaǧy jüielı jūmys jürgızıldı. Mäselen, tört aida Astanada aşylǧan jobalyq front-ofiste 114 ötınış qabyldanyp, 67 mäsele boiynşa keŋes berılgen.
– Tarif, abattandyru, jaryqtandyru, lift, internet pen qauıpsızdık mäselelerı – tūrǧyndar üşın erekşe maŋyzǧa ie. Sondyqtan köppäterlı tūrǧyn üilerge qatysty özektı mäselelerdı jüielı türde şeşu üşın partiia bastamasymen «TURGYNDAR AMANATY» jobasy ıske qosyldy. Osy baǧyttaǧy jūmys jüielı türde jürgızılude. Jyl basynan berı osyndai forum-seminarlar elımızdıŋ 11 öŋırınde ötıp, öz tiımdılıgın körsettı. Osy täjıribenı eskere otyryp, bız būl jūmysty Jambyl oblysynda jalǧastyryp otyrmyz. Būl rette bız OSİ jäne KSK töraǧalarynyŋ qoldauyna ülken senım artamyz. Sebebı, sızder – kün saiyn qaladaǧy köppäterlı üidıŋ tūrǧyndarymen tıkelei bailanysta bolyp, olardyŋ naqty sūranystaryn jaqsy bıledı, halyqtyŋ ünın jergılıktı bilıkke jetkızedı. Sızderdıŋ täjıribelerıŋız ben kerı bailanystaryŋyz maŋyzdy röl atqarady, – dedı Şolpan Karinova.
Öz kezegınde, Jambyl oblysynyŋ äkımı Erbol Qaraşökeev köppäterlı tūrǧyn üilerdı basqaru mäselelerı äleumettık tūrǧydan asa maŋyzdy ekenın tılge tiek etıp, halyqtyŋ memlekettık organdarǧa degen senım deŋgeiıne tıkelei äser etetının jetkızdı. Onyŋ aituynşa, basty mındetterdıŋ bırı – köpqabatty tūrǧyn üilerdı basqaru ısındegı aşyqtyqty küşeitu, tūrǧyndardyŋ senımın arttyru jäne jaŋa basqaru mädenietın qalyptastyru.
– Köppäterlı tūrǧyn üilerdı basqaru mäselelerı äleumettık tūrǧydan asa maŋyzdy bolyp qala beredı jäne halyqtyŋ memlekettık organdarǧa degen senım deŋgeiıne tıkelei äser etedı. Osy baǧytta oblysta tūrǧyn üi qoryn basqaru salasyndaǧy reformalardy jüielı türde ıske asyru arqyly, basqaru subektılerınıŋ jauapkerşılıgın, aşyqtyǧyn jäne qyzmet tiımdılıgın arttyruǧa baǧyttalǧan şaralar qabyldanuda. Oblys aumaǧynda 2 101 köppäterlı tūrǧyn üi bar. Onyŋ ışınde 1921 tūrǧyn üi kondominium nysany retınde tırkeuge jatady, onyŋ ışınde 1 811 üi tırkelgen. Jyl soŋyna deiın qalǧan 110 köppäterlı tūrǧyn üidı tırkeu josparlanuda, – dedı Erbol Qaraşökeev.
Sondai-aq, jiynda QR Parlamentı Mäjılısınıŋ deputaty Mūqaş Eskendırov elımızde äleumettık-ekonomikalyq damu men tūrǧyndardyŋ äl-auqatyn arttyru baǧytynda maŋyzdy zaŋnamalyq şeşımder qabyldanyp jatqanyn atap öttı. Onyŋ aituynşa, özektı mäseleler Parlament Mäjılısınde tūraqty türde qarastyryluda.
Sonymen qatar, QR Önerkäsıp jäne qūrylys ministrlıgınıŋ Qūrylys jäne tūrǧyn üi-kommunaldyq şaruaşylyq ısterı komitetı töraǧasynyŋ orynbasary Qanat Myŋbaev köpqabatty tūrǧyn üilerdı basqaru salasyndaǧy qordalanǧan mäselelerdı köterıp, olardy ministrlık pen «AMANAT» partiiasynyŋ «TURǴYNDAR AMANATY» jobasy aiasynda şeşu joldary qarastyrylyp jatqanyn jetkızdı.
Būdan bölek, Taraz qalasynyŋ äkımı Baqytjan Orynbekov oblys ortalyǧynda tūrǧyn üi-kommunaldyq şaruaşylyq salasyn damytu jäne köppäterlı tūrǧyn üilerdı basqaru jüiesın jetıldıru baǧytynda atqarylyp jatqan jūmystar turaly baiandady.
Forum barysynda päter ielerı kooperativı assosiasiiasy töraǧasynyŋ orynbasary Elena Soi jäne «El aman-2023» basqaruşy kompaniiasynyŋ direktory Mirashan Dauylbaev söz söilep, «TURǴYNDAR AMANATY» jobasy tūrǧyndardyŋ müddelerın qorǧauǧa, köppäterlı üilerdı basqaru jüiesın jetıldıruge jäne qoǧamdyq baqylaudy küşeituge baǧyttalǧan maŋyzdy bastama ekenın atap öttı. Sondai-aq, aldaǧy uaqytta partiiamen bırlesıp jūmys jürgızetınderın jetkızdı.
Forum jūmysy oqytu seminarymen jalǧasty. Onda qatysuşylar praktikalyq bılımderın jetıldırıp, jaŋa daǧdylardy meŋgeruge mümkındık aldy.
