Jańaózende 11 synyp oqýshysy men onyń ákesi soqqyǵa jyǵylǵan. Oqıǵa zardap shekken oqýshynyń úıiniń mańynda bolǵan. Polıııa atalǵan jaıt boıynsha qylmystyq is qozǵady. Bul týraly Lada.kz jarııalady, dep habarlaıdy, “Adyrna” ulttyq portaly.
Derekkózdiń málimetine saı, 16 sáýirde túlekti qurdastary tap úıiniń mańynda soqqyǵa jyqqan. Buǵan oqýshynyń jaqynda shetel ýnıversıtetine grantqa túskeni sebep bolǵan, dep jazady basylym.
"Balasynyń soqqyǵa jyǵylǵanyn kórgen ákesi oǵan kómekke umtylǵan, alaıda ol bir top balaǵa shamasy jetpeı, aıaǵynan jaraqat alǵan.
Qazirgi tańda zardap shekken oqýshy ata-anasymen birge Jańaózen kópbeıindi aýrýhanada jatyr. Aqparat bergen derekkóz oqý ornynyń ákimshiligi oqýshylarǵa zardap shekken oqýshyǵa barýǵa jáne bolǵan jaıt týraly aqparatty taratýǵa tyıym salǵanyn habarlaǵan", - dep jazady basylym.
Jańaózen kópbeıindi qalalyq aýrýhanasy Lada.kz tilshisine usynǵan aqparatta 11 synyp oqýshysyna bas-mıdiń jabyq jaraqaty, mıdyń shaıqalýy, jaraqat, bas terisiniń parıetaldy aımaǵynyń teri astyndaǵy gematomasy, betiniń, eki jaǵyndaǵy paraorbıtaldy aımaqtyń kógerýi, sonymen qatar sol jaq tize býynynyń sydyrylýy degen dıagnoz qoıylǵan. Al ákesine súıek úzindileriniń yǵysýymen sol aıaqtyń 2-shi jilik súıeginiń jabyq usaqtalǵan synýy dıagnozyn qoıdy.
Mańǵystaý oblysy polıııa departamenti janjalǵa qatysy barlardyń barlyǵy anyqtalǵany aıtylǵan.
"Kámeletke tolmaǵan balalar polıııaǵa ata-anasymen birge jetkizilgen. Atalǵan derek boıynsha qylmystyq is qozǵaldy. Barlyq qajetti tergeý is-áreketteri júgizilip jatyr.
Buǵan qosa oqıǵaǵa qatysy bar quqyqbuzýshylardyń ata-anasy nemese zańdy ókilderiniń jaýapkershiligi máselesi qaralady. Ákimdik janyndaǵy kámeletke tolmaǵandardyń quqyǵyn qorǵaý jónindegi komıssııaǵa baǵyttaý úshin materıal ázirlenip jatyr. Barlyq kináli tulǵa tirkeýge alynady", - delingen PD habarlamasynda.