“Qazaqtar, doǵaryńdarshy”. Belgili bloger Qazaqstanda qandaı jaǵdaıǵa tap bolǵanyn aıtty

1352
Adyrna.kz Telegram

Belgili bloger Salım Aılazov Qazaqstandaǵy sapary kezinde qazaq halqynyń qonaqjaılyǵyna erekshe alǵys bildirgen, dep habarlaıdy “Adyrna” ulttyq portaly.

Ol áleýmettik jelidegi paraqshasynda jol ústinde kóligine janarmaı taýsylyp, qıyn jaǵdaıǵa tap bolǵanyn aıtqan. Alaıda, dál osy sátte oǵan kómektesken qazaq azamattarynyń janashyrlyǵy men meıirimi erekshe áser etipti.

«Jolda janarmaıym taýsylyp turyp qaldym. Qazaqtar óz kólikterinen janarmaı quıyp berdi. Ol ol ma, ashanaǵa aparyp, kúshtep tamaq ishkizdi. Nómirimdi alyp, qonaqqa shaqyrdy. Men bul nársege shydaı almaımyn, meni tamaqtandyra berýdi doǵaryńdarshy, men sharshadym», – deıdi ol ázilmen.

Bloger Aılazovtyń aıtýynsha, keri jolǵa shyǵatyn kezde qazaq jigitteri kóligin avtojýý ortalyǵyna aparyp, tegin jýǵyzyp bergen. Budan bólek, Astanadaǵy kúrd dostarymen de kezdesý uıymdastyrǵan.

«Jalǵyz kelip edim, qaıtarda 55 dos taptym. Qazaqtar, qoıyńdarshy, boldy ǵoı. Adamdy kúshtep qonaqqa shaqyrýǵa bola ma eken? Qazaqtar, baýyrlarym, bárińe shyn rızamyn. Birigip qazaqsha kontent jasaımyz. Mádenıetimizdi, ıdeologııamyzdy birge nasıhattaıyq», – dep túıindedi bloger.

Ol óziniń áleýmettik jelidegi úndeý vıdeosynyń astyna jazba qaldyrǵan.

«Anam – Qazaqstan, Ákem – Kúrdstan», - dep jazdy bloger.

Pikirler