Memleket basşysynyŋ bastamasy nätijelı jüzege asty. Qazaqstan tarihy üşın maŋyzdy jaŋalyq: XVIII ǧasyrda jazylǧan «Handar şejıresı» qoljazbasy IýNESKO-nyŋ halyqaralyq «Älemdık jady» tızımıne engızıldı, dep habarlaidy “Adyrna” ūlttyq portaly.
Būl turaly Memlekettık keŋesşı Erlan Qarin Facebook jelısınde habarlady.
“Memleket basşysynyŋ taǧy bır bastamasy jüzege asyryldy. «Handar şejıresı» qoljazbasy IýNESKO-nyŋ halyqaralyq «Älem jady» tızımıne engızıldı”, – dep jazdy öz paraqşasynda.
Prezident Qasym-Jomart Toqaev būǧan deiın Ūlttyq qūryltaidyŋ törtınşı otyrysynda:
“Elımızdıŋ derektı mūralaryn saqtau baǧytyndaǧy jūmysty jandandyru qajet”, – dep naqty tapsyrma bergen bolatyn.
«Handar şejıresı» — ūzyndyǧy 3 metrden asatyn, XVIII ǧasyrda jazylǧan bükteme qaǧaz türındegı qūjat. Būl bıregei artefakt qazaq handarynyŋ bilık tarihyn qamti otyryp, VI-XIX ǧasyrlar aralyǧyndaǧy tarihi tūlǧalardyŋ şejıresın, olardyŋ şyǧu tegın jäne özge halyqtarmen bailanysyn aiqyndauǧa mümkındık beredı.
IýNESKO tarapynan būl şejırenıŋ moiyndaluy — qazaq halqynyŋ tarihi jady men mädeni mūrasynyŋ maŋyzdylyǧyn halyqaralyq deŋgeide däleldeidı.
Aita keteiık, būǧan deiın Qoja Ahmet Iаsaui men şäkırtterınıŋ qoljazbalary, «Nevada-Semei» antiiadrolyq qozǧalysyna qatysty mūraǧat materialdary, Aral teŋızınıŋ arhivtık qory da IýNESKO-nyŋ «Älem jady» tızımıne engızılgen bolatyn.
Ūqsas jaŋalyqtar
