Sen «nızkıı postýpok» jasadyń: I.Ilın qazaqsha aqparat alǵysy kelgen jýrnalısti jazǵyrdy

1361
Adyrna.kz Telegram

Qazaq tilinde aqparat taratýdy syrtqa ysyryp, ana tilinde sóıleýge qorsynǵan sportshylardyń qylyǵy kópshilikti qapalandyrdy. Bul týraly jýrnalıst Aslan Qajenov jazdy, dep habarlaıdy "Adyrna" ulttyq portaly.

"Nızkıı postýpok jasap keldim... Búgin otandyq sporttyń yǵaı men syǵaılary elordada bas qosyp, birlesken brıfıng ótkizdi. Qasym-Jomart Toqaevtyń Prezıdent saılaýyna túsýin qoldaý maqsatynda. Meniń ashyndyrǵany - bylaı qarasań jınalǵandardyń 98 proenti qazaq. Biraq, jıyn 98 proent oryssha ótti. Eń sońynda Danııar Eleýsinov qana qazaqsha qysqasha alǵysyn aıtty. Al, negizgi baıandama basqa tilde. Ásirese, úlgi tutyp júrgen aǵalarymyz qınalyp turyp oryssha saıraǵanda, kirerge tesik tappaı qaldym. Jaraıdy, jıyn osylaı ótti, bitti, ketti", - dep habarlady jýrnalıst.
Keıinnen Aslan Qajenov oqıǵanyń jelisin oqyrmandaryna túsindirdi.
"Artynan «nege qazaqsha aqparat bermeısizder?» dep, uıymdastyrýshylardyń mazasyn alyp júrsem, buryshta otyrǵan Ilıa Ilın «seniń jasap júrgeniń nızkıı postýpok» deıdi. Ana jerde qan basqa shapty. Men óz elimde óz tilimde aqparat ala almaı aýzym urylyp turǵanda maqtaýly aýyr atletimiz osylaı sózben perip qaldy. Ne degen sorlymyz? Jalpy, otandyq sportta bundaı jaǵdaı jıi kezdesedi. Shydam shegine jetkesin shyryldap jatyrmyn. Prınıpti túrde qazaqsha sóılemeı, «al, ne isteı alasyń?» degen kezder boldy. Anaý-mynaý sportshylar emes. El bıýdjetinen jyl saıyn júzdegen mıllıon teńge bólinetin, solar ýaıymdamasyn, solar qınalmasyn dep, barlyq jaǵdaıy jasalatyn sportshylar. Olardy búkil halyq qoldap-qolpashtaıdy. Jetistikterine qýanady. Biraq, myna jaqta ne byqsytyp júrenderin bilmeıdi ǵoı. Bilse, «aıyryp» jiberetin edi. Tilge túkirgeni bir mysal. Odan bólek ánurandy jatqa bilmeıdi. Jarystarǵa kók baıraǵymyzdy aparmaıdy. Keıin solardy talap etseń, nızkıı postýpok jasaǵan bolyp shyǵasyń..." - dedi ashynǵan avtor.

 

Pikirler
Uqsas jańalyqtar