Oqý-aǵartý mınıstri qazaq tilinen emtıhan tapsyra almaǵandarǵa ne bolatynyn aıtty, dep habarlaıdy "Adyrna" ulttyq portaly.
Úkimet brıfınginde Ǵanı Beısembaev mindetti emtıhannan óte almaǵan jaǵdaıda oqýshylardyń quqyǵyna eshteńe bolmaıtynyn aıtty. Emtıhan nátıjesi balaǵa kelesi synypqa ótýine, lıeıge nemese gımnazııaǵa aýysýyna áser etpeıdi.
"Emtıhan qazaq tilin oqytýdyń sapasyn arttyrý maqsatynda ótkizilip jatqan sharalardyń biri ekenin atap ótkim keledi. Bul eń mańyzdysy emes, emtıhannyń nátıjesi baǵaǵa nemese ony basqa synypqa aýystyrylýyna áser etpeýi kerek", – dedi mınıstr.
Emtıhannan súringen jaǵdaıda oqýshy sol synypty qaıta oqymaıdy. Kelesi synypqa kóshetini aıtyldy.
"Bul emtıhan – qazaq tilin jetildirýge baǵyttalǵan shara. Ol bıyl engizilip jatyr, sondyqtan men bul emtıhandy joǵary deńgeıde ótkizýdi buıyrdym. Alaıda emtıhan balalardyń quqyǵyn buzbaýǵa tıis", – dedi Beısembaev.
