2024 jyldan bastap Qazaqstanda zańdardyń bári qazaq tilinde jazylady. Bul týraly Májilis depýtaty Abzal Quspan aıtty, dep habarlaıdy «Adyrna» ulttyq portaly Halyq Uni saıtyna silteme jasap.
Abzal Quspan Úkimet músheleriniń depýtattar kótergen máselege nazar aýdarǵanyn jetkizdi.
«Búgin Májilistegi komıtet otyrysyn júrgizgen depýtat Únzıla Shapaqqyzy bul másele boıynsha Úkimetke saýal joldady. Bárimiz qoldadyq. Sodan keıin Úkimettiń atynan vıe-premer (Altaı Kólginovtyń) qoly qoıylǵan jaýap keldi. Onda «2024 jyldan bastap zańdar qazaq tilinde daıyndalady» dep jazylǵan.
Úkimet basshysynyń orynbasary Altaı Kólginov qyzmetinen ketkeni belgili. Alaıda ol qyzmetinen ketkenimen, Úkimet ornynda ǵoı. Sondyqtan olardyń bergen ýádesine senemiz», - dedi ol.
Búginde depýtat qazaq tilinde zańdardy daıyndaýǵa kiriskenin atap ótti.
Mysaly, men 2 zań jobasyn daıyndap jatyrmyn. Ol qujattardyń atyn ataı almaımyn. Biraq olardy qazaq tilinde daıyndap jatyrmyn, - dedi Abzal Quspan.
«Adyrna» ulttyq portaly
