Qoǵamda qazaq tilinde qarym-qatynas quryp, qazaqsha til qatqany úzin jazyqty bolǵandardyń sany artty. Qazaqty "mádenıetsiz" dep qaralaıtyndar kóbeıdi. Anna Semenıýk esimdi feısbýk qoldanýshysy qazaqty mádenıetsiz dep tanyp, Ramıl Mýhoıapov ustanymyn qoldaıtyndyǵyn baıqatty, dep habarlaıdy "Adyrna" ulttyq portaly.
Tutas bir ultty qaralamaq bolǵan jeli qoldanýshysynyń pikirin jýrnalıst, azamattyq belsendi Aıbar Oljaev aıyptap, avtordyń zań sheńberinde jazalanýy tıis ekendigin jetkizdi. Zańdyq negizde aqylǵa qonymdy ári qısyndy pikirin jýrnalıst tómendegideı jetkizdi:
"Bezkýltýre nekotoryh kazahov... 174 bap kóbeıip ketti (QR Qylmystyq Kodeksin ashyp qarańyz) jáne buǵan tek Qazaqstan Respýblıkasynyń koldanystaǵy zańnamasy rakýrsynan qaraýdyń ózi jetkilikti. Men orys tilin ǵylymı/lıngvıstıkalyq deńgeıde meńgergen adam retinde, 174 bap tarapynan óte qyzyq postqa tap boldym. Post ishinde "bezkýltýre nekotoryh kazahov" degen termın/anyqtama/ıdeıa bar. Ony prokýratýraǵa aldaǵy jumys kúni jiberemin. Bárin prokýrorlar/polıeıler sheshedi. Biz ol sheshimdi qabyldaımyz. Iaǵnı, memleket qabyldaǵan verdıktke moıyn usynamyz. Zań bárine birdeı. Týrasyn aıtqanda, qazaq halqyna bólek jazylǵan zań joq. Zań ortaq - Qazaqstan azamattaryna. Osy oraıda, Tık-Tokta orys ultyn enzýrasyz sózben qazaqsha boqtaǵan vıdeo kórip qaldym jáne onyń kúmánsiz 174-bap ekenine esh áńgime joq. Aýyzǵa ıe bolý kerek. Onyń avtoryn da taýyp jaýapqa tartý qajet. Bizdiń Zań boıynsha kez-kelgen adamǵa/topqa ultyna, násiline, dinine, jynysyna tıisti til tıgizýge bolmaıdy".
Qazaqstan Respýblıkasy zańnamasynyń negizinde jalań jazba avtoryn jazalaýdy kózdegen qaýym atynan Aıbar Oljaev:
"Al myna postqa zańdyq jaǵynan argýmenti bar jaýap berdim, skrındedim jáne aldaǵy sársenbi kúni saǵat 9-45te (organaızer umyttyrmaıdy) Almaty qalasy Prokýratýrasyna aryz joldaımyn" - dedi.
Anna Semenıýktiń qazaqsha sóılep, aınalasynan teńquqylyqty talap etken "mádenıetsiz" qazaqtarǵa qatysty jazbasyna qatysty qalyń kópshilik:
"Aıbar aǵa, kóp qazaqtyń kózin ashtyńyz. Men buryn oılaýshy edim, sotqa berý úshin advokat kerek, ýaqyt kerek dep. Dál osylaı prokýratýraǵa aryzdy onlaın túsirýdi bilmeppin. Negizi kóbisi bilmeıdi. Sony bilmegen soń da bári basynady. Jalpy tarsyldatyp onshaqtysyna ( kafe, jeke tulǵa, kompanııa) aıamaı aıyppul salsa, jappaı qazaqsha oqyp, úırenip, qusyqtaryna ıe bolady. Dál qazirgi sátte budan artyq jol kórgen joqpyn. Konert, keshter uıymdasyrǵannan túk paıda joq", "Orystar 70 jyl boıy Qazaqstanda tursa da, ózderin joǵary sanap, qazaq ultyn tómendetip keldi, áli de sol áreketten arylǵan joq. Buǵan toqtaý bolý kerek", "Bərin aıtta birin aıt aı-tı mamandaryn jınap, búkil qosymshany, ıýtýbty, barlyq əleýmettik jelini, kaspı qosymshasyn qazaq tiline kóshirý kerek, sol kezde úırenedi", "Osyndaı bolmaý úshin ár qazaq ózinen jáne óziniń jan-uıanyzdan bastaý kerek. Qajetti ne, siz qazaqsha sóılep turǵanda bala-nemereleriniń oryssha sóılesip otyrsa... Sondyqtan barlyǵyn otbasyńyzdan bastańyz!" dep jazyp jatyr."Adyrna" ulttyq portaly
