Jurnalist, tanymal telejürgızuşı Läilä Sūltanqyzy oqyrmandaryn öz ana tılın qūrmetteuge şaqyrdy. Kündelıktı tırlıkte qazaqşa söilep, qazaq tılınıŋ qoldanysyn barynşa jandandyruǧa ügıttedı, dep habarlaidy "Adyrna" ūlttyq portaly.
"Senbı ǧoi, bala-şaǧany trenirovkaǧa jıberıp, japon restoranyna bardyq. Zalda adam toly. Ofisiant qazaqtyŋ qyzy, orysşaǧa sudai, meniudy tüsındıre bastady. Qazaqşa söilei bastap edım, apai, mynau suşi küştı, saşimidıŋ dämı tılıŋızdı üiıredı, sorpalaryndaǧy kaloriia tömen, balyqty sondai jerden arnaiy aldyramyz dep jarnamalaǧanda barlyǧyn jegım kettı" - dep jazdy jurnalist.
Qazaq tılınıŋ qoldanysyna qatysty alaŋdauşylyq bıldırıp:
"Sıŋlımnıŋ ışı tolyp qalǧan-au, jiı kelıp tūryŋyzşy, mūnda qazaqşa söileitınder az keledı dep şyǧaryp saldy. Restoranǧa barsaŋdar qazaqşa söileŋderşı ötınış, ofisianttyŋ bärı negızı qazaqşa tüsınedı jäne söileidı", - dep jalǧady öz sözın avtor.
Esterıŋızge sala keteiık, osyǧan deiın de Läilä Sūltanqyzy qazaqşa ötpeitın auqymdy şaraǧa barudan bas tartyp, tıl märtebesın saqtauǧa qatysty berık azamattyq ūstanymymen el yqylasyna bölengen edı. Telejürgızuşı köp jyldardan berı ana tılımızde türlı baǧdarlamalardy jürgızıp keledı, eŋbek jolyn radiodaǧy didjeilıkten bastaǧan. Sonymen qatar, ūlttyq aqparat keŋıstıgınıŋ qazaqylanuyna yqpal etken mamandardyŋ bırı.
Ūqsas jaŋalyqtar
