Altynşy aqpan tünı Türkiia men Siriia şekarasynda jer sılkınısı bolyp, dünie dürlıktı. Qazaq elınen de alystaǧy aǧaiynǧa, türık bauyrlarymyzǧa, qol ūşyn sozu üşın qūtqaruşylar toby attandy. Qazaq halqynyŋ tıleules nietın jetkızıp, jansebıl jūrtqa järdem körsetken qūtqaruşylarǧa oqyrmandar rizaşylyq bıldırıp otyr. Bıraq köŋılı kırpiiaz körermen azamattardyŋ öz tılın qorsynyp, tübı tır türkı tektes bauyrlarmen orysşa söileskenderıne yzalandy, dep habarlaidy "Adyrna" ūlttyq portaly.
Äleumettık jelıde Qazaq elınıŋ qūtqaruşylaryna türık azamattary arnaiy kelıp, alǧysyn jaudyrady. Köŋıl qoiyp tyŋdasaŋyz, barlyǧy ūǧynyqty. Söz, söilem jüiesı ūqsas. Bızaq ony öz ana tılınde ūǧynǧysy, ūqqysy keletın niettı oqyrman köre almady.
Alǧys jauǧan sät jaidy Burahan Daqanov bylai dedı:
- Türıktıŋ analary kelıp, balalaryn qūtqarǧan Qazaq jıgıtterıne rizaşylyǧyn bıldırıp, rahmetın aityp jatyr. Kelgenderıŋ jaqsy boldy, senderdıŋ arqalaryŋda tırı qaldyq deidı.. Videony körıp tolqyp otyrmyn. Jaraisyŋdar jıgıtter. Bauyrlas elder jasasyn. Tübımız bır tuysqan Türkiia elıne Täŋır jar bolsyn!Türkiia halqynyŋ alǧysyna bölengen azamattarǧa qazaq halqynyŋ alǧyspen qatar aitar uäjı bar. Oqyrmandar būl beine-derektı körgennen keiın:
"Qazaqqa qazaq nege orysşa audarmaşy bolyp tūr eken? Bastarynan tebetın eken özderın... Negızı türkı tıldes bauyrlardyŋ tılderın tüsınu qiynşylyqqa soqpaidy, tılderımız ūqsaidy emes pe? Türık halqyna sabyrlyq bersın! Marqūm bolǧan jandardyŋ İmany joldas bolsyn!", "Namys joq itter, türıkterge orysşa söilep ūiatqa qaldyrdy-au", "Nege Qazaq tılınde söilemeisıŋder? Ūiat qaida,eskı türkıler!", "Qazaqstannyŋ atynan barǧan orystar. Namysy bar qazaqtyŋ ūldary öz tılınde söileidı", "Şırkın, bızdıŋ myna tūrǧan qazaqtar tılın süiıudı aldynda tūrǧan türıkterden üirense ǧoi", "Bärı jaqsy ǧoi. Azamattarymyz üşın jüregıŋdı quanyş kerneidı! Bıraq, taǧy da TIL. Qaida barsaq ta, qandai jaǧdaida bolsaq ta osy körşınıŋ tılı sorymyz boldy! Eldı jerge qaratpai, özgenıŋ tılıne jabyspai myna bala qazaqşa audaryp beruge bolas pa edı?!", Ä, myna buriattar kömektesken eken ǧoi. Dūrys, olar türıkşe qaidan tüsınsın... Türıkter myqty öz tılınde kımge bolsada söilei beredı. Qaramaidy mynandai Saşa-Maşalarǧa. Aǧylşynşa tyraştanbaidy jaǧympazdanyp", "Maqtanaiyn deseŋ, mäŋgürtter... Orysşa emes, qazaqşa söileu kerek edı.... Türıkter tüsınedı bızdıŋ tıldı" dep jazdy oqyrmandar.
"Adyrna" ūlttyq portaly
Ūqsas jaŋalyqtar
