Prezident Qazaqstan qoǧamynyŋ ortaq idealdar men qūndylyqtar bırıktırgen erkın ärı jauapkerşılıgı mol azamattardyŋ odaǧy ekenın aitty. Būl turaly Memleket basşysy Qasym-Jomart Toqaev Qazaqstan halqy Assambleiasynyŋ "Ädılettı Qazaqstan: bırlık, tūraqtylyq, damu" atty HHHII sessiiasynyŋ otyrysynda mälımdedı, dep habarlaidy “Adyrna” ūlttyq portaly.
Sessiia barysynda prezident şetelde tanymal qazaqstandyqtardyŋ barlyǧyn qazaq dep bıletının aitty.
"Daŋqty otandastarymyzdy, sportşylarymyzdy, mädeniet qairatkerlerımızdı, ǧalymdarymyz ben studentterımızdı, käsıpkerlerımızdı şyqqan tegıne qaramastan, şetelde ünemı qazaqtar dep ataidy. Būl – tabiǧi qūbylys. Solai boluǧa tiıs. Bızdıŋ qoǧam – ortaq idealdar men qūndylyqtar bırıktırgen erkın ärı jauapkerşılıgı mol azamattardyŋ odaǧy. Būl – jalpyūlttyq bıregeilıgımızdıŋ taǧy bır jarqyn körınısı", – dedı memleket basşysy.
Qasym-Jomart Toqaev Qazaqstan azamattarynyŋ barlyǧy özderın ülken ärı bırtūtas qazaq otbasynyŋ, şyn mänınde, qazaq ūltynyŋ müşesı sezınetının aita kettı.
"Bız bärımız – bır otbasymyz. Būl – artyq aitqandyq emes. Būl – bızdıŋ şynaiy bolmysymyz. Osy rette bız maqtanyş etetın etnomädeni äraluandyǧymyz eşqaida joǧalyp ketpeidı. Kerısınşe, bırtūtas azamattyq negız esebınen nyǧaia tüsedı. Elımızde türlı mädeniet dästürlerı jalpyūlttyq bıregeilıktıŋ berık ırgetasy bolyp qalanatyn özımızge tän airyqşa ömır süru salty qalyptasty. Osynau erekşe bıregeilıgımız uaqyt tezıne tötep berıp, qoǧamdyq sananyŋ özegıne ainaldy", – dedı Qazaqstan prezidentı QHA otyrysynda.
