جۋرناليست، تانىمال تەلەجۇرگىزۋشى ءلايلا سۇلتانقىزى وقىرماندارىن ءوز انا ءتىلىن قۇرمەتتەۋگە شاقىردى. كۇندەلىكتى تىرلىكتە قازاقشا سويلەپ، قازاق ءتىلىنىڭ قولدانىسىن بارىنشا جانداندىرۋعا ۇگىتتەدى، دەپ حابارلايدى "ادىرنا" ۇلتتىق پورتالى.
"سەنبى عوي، بالا-شاعانى ترەنيروۆكاعا جىبەرىپ، جاپون رەستورانىنا باردىق. زالدا ادام تولى. وفيتسيانت قازاقتىڭ قىزى، ورىسشاعا سۋداي، مەنيۋدى تۇسىندىرە باستادى. قازاقشا سويلەي باستاپ ەدىم، اپاي، مىناۋ سۋشي كۇشتى، ءساشيميدىڭ ءدامى ءتىلىڭىزدى ۇيىرەدى، سورپالارىنداعى كالوريا تومەن، بالىقتى سونداي جەردەن ارنايى الدىرامىز دەپ جارنامالاعاندا بارلىعىن جەگىم كەتتى" - دەپ جازدى جۋرناليست.
قازاق ءتىلىنىڭ قولدانىسىنا قاتىستى الاڭداۋشىلىق ءبىلدىرىپ:
ء"سىڭلىمنىڭ ءىشى تولىپ قالعان-اۋ، ءجيى كەلىپ تۇرىڭىزشى، مۇندا قازاقشا سويلەيتىندەر از كەلەدى دەپ شىعارىپ سالدى. رەستورانعا بارساڭدار قازاقشا سويلەڭدەرشى ءوتىنىش، وفيتسيانتتىڭ ءبارى نەگىزى قازاقشا تۇسىنەدى جانە سويلەيدى", - دەپ جالعادى ءوز ءسوزىن اۆتور.
ەستەرىڭىزگە سالا كەتەيىك، وسىعان دەيىن دە ءلايلا سۇلتانقىزى قازاقشا وتپەيتىن اۋقىمدى شاراعا بارۋدان باس تارتىپ، ءتىل مارتەبەسىن ساقتاۋعا قاتىستى بەرىك ازاماتتىق ۇستانىمىمەن ەل ىقىلاسىنا بولەنگەن ەدى. تەلەجۇرگىزۋشى كوپ جىلداردان بەرى انا تىلىمىزدە ءتۇرلى باعدارلامالاردى جۇرگىزىپ كەلەدى، ەڭبەك جولىن راديوداعى ديدجەيلىكتەن باستاعان. سونىمەن قاتار، ۇلتتىق اقپارات كەڭىستىگىنىڭ قازاقىلانۋىنا ىقپال ەتكەن مامانداردىڭ ءبىرى.
