Shymkenttegi Bozaryq shaǵynaýdanynan boı kótergen jańa ıppodromnyń qurylysy tehnıkalyq turǵydan aıaqtalyp, qaladaǵy arnaıy at sporty mektebiniń shákirtteri jattyǵýlaryn bastady. Shahar basshysy Murat Áıtenov nysan basyna baryp, joba jetekshisi jáne jas sportshylarmen kezdesip, pikirlesti. Atqarylýǵa tıis ózge de jumystardyń barysyn kórdi.
Murat Dúısenbekuly ıppodrom shahardyń eń kórikti jerleriniń birine aınalatynyn aıta kele, nysan qurylysynyń halyqaralyq talapqa saı júrgizilgenin jáne jańa atshabar at sporty jáne ulttyq sport túrlerin qalamyzda ǵana emes, respýblıka deńgeıinde damytýǵa birden-bir sep bolatynyn jetkizdi.
Joba jetekshisi Aıdyn Jákejanov: «Jobany aıaqtaýǵa bar kúsh-jigerin salǵan ujymyma alǵys aıtamyn. Bizdiń syılyǵymyz turǵyndarǵa unaıdy degen úmittemiz. Resmı ashylýyn naýryzda jasaýdy josparladyq»-dedi.
Atshabar qurylysynda 20 merdiger kompanııa 500-den astam jumys qoly jumyldyrylǵan.
Ippodrom 1500 kórermenge arnalǵan. At arenasy bar manejderden basqa 53 at qora, jabyq stend ǵımaraty, veterınarlyq blok, kómekshi bólmeler, 310 kólikke arnalǵan keń turaq qarastyrylǵan. Trıbýnanyń joǵarǵy qabatynda ashyq terrasa bar. Jylqylar men shabandozdardyń qaýipsizdigi úshin arnaıy amortızaııalyq qorshaýmen qorshalǵan uzyndyǵy 2012 metr jarys joly salyndy.
Sondaı-aq, kókpar men atpen sekirýge arnalǵan alańy da bar. Ol alańdar kvarty qumymen toltyrylyp, tabıǵı tastarmen, jasyl jelekpen erekshelenetin bolady.
"Adyrna" ulttyq portaly
