Prezidenttıŋ halyqqa jasaǧan Joldauyn öz auzynan tyŋdadym, keiınnen är söilemıne män berıp oqyp şyqtym.
Qazır barlyq būqaralyq aqparat qūraldarynda taldap aitylyp, elge tüsındırılıp jatyr. Men Joldaudy özımşe tüsındım. Jalpy, adam ne närseden de özınıŋ qalauyn ızdeidı. Jaqsylyq ızdegen – jaqsylyq tabady, «qoişy osyda ne bar deisıŋ» dep tyŋdap, synap oqyǧan adam öz deŋgeiınde tek jamandyq köredı. Nege bızge «Memleket müddesın öz müddesınen joǧary qoiamyn» dep aǧynan jarylyp aldymyzda Joldau jasap otyrǧan Prezidentımızdı qoldamasqa! Jeke bastarynyŋ müddesınen, otbasynyŋ, aǧaiyn-tuysy men rulastarynyŋ talabynan şyǧa almai otyz jyl elımızdı bilegenderge de tözdık qoi. Qazır ortamyzda oiran salyp jür, oǧan ne ıstei alyp jatyrmyz?!
«Biyl bız jaŋa kezeŋge qadam bastyq. Halqymyz jalpyūlttyq referendumda saiasi jaŋǧyru baǧdaryn qoldady. Konstitusiialyq reforma Jaŋa, Ädılettı Qazaqstandy qūru jolyndaǧy asa maŋyzdy qadam boldy. Elımızdegı saiasi jaŋǧyru endı ekonomikalyq özgerısterge ūlasuǧa tiıs»,- dep bastalyp otyrǧan joq pa. Nege osy nietıne senıp Prezidentımızge ermeske! Būl Joldaudyŋ jönı bölek, joly bölek bolyp tūr. Sol jolda bır jeŋnen qol, bır jaǧadan bas şyǧaryp bız de memleket müddesın öz müddemızden joǧary qoiyp, Täuelsızdıktıŋ tıleuın tılep, bırıgeiık!
Sızderge Joldaudy taldap bermei-aq, ūzaq jyldar boiy halyq armandaǧan mäselelerge qatysty degen jerlerın Prezident Qasym-Jomart Toqaevtyŋ öz auzynan estıgen qalypty terıp jazyp bereiın. Taǧy bır oqyp şyǧyp, senım bıldırıŋızderşı aǧaiyn!
«Elımızdıŋ basty qūndylyǧy – adam. Būl – aiqyn närse. Sondyqtan, ūlttyq bailyqty teŋ bölu jäne barşaǧa bırdei mümkındık beru – reformanyŋ basty maqsaty. Ūlt saulyǧy jaqsy bolsa ǧana, qoǧam ornyqty damidy.
Quatty ūlttyŋ dıŋgegı – halyq. Eŋ bastysy, azamattarymyzdyŋ densaulyǧy myqty, bılımı tereŋ boluy kerek».
«Orta bılımnıŋ sapasy – tabysty ūlt boludyŋ taǧy bır maŋyzdy şarty. Ärbır oquşynyŋ bılım alyp, jan-jaqty damuy üşın qolaily jaǧdai jasaluǧa tiıs. Sol üşın «Jaily mektep» ūlttyq jobasy qolǧa alyndy.
Bılım aluǧa jyldyq ösımı 2-3 paiyz bolatyn jeŋıldetılgen nesie de berıledı. Būl şaralar joǧary bılımnıŋ qoljetımdılıgın arttyryp qana qoimai, qoǧamdaǧy ärıptestık jäne özara jauapkerşılık qaǧidatyn nyǧaita tüsedı».
«Kelesı maŋyzdy mäsele – studentterdı jataqhanamen qamtamasyz etu».
«Äleumettık qamsyzdandyru jüiesıne de özgerıs engızu kerek.
Bız 2023 jylǧy 1 qaŋtardan bastap bala kütımı üşın tölemaqy töleu merzımın säbi bır jarym jasqa tolǧanǧa deiın ūzartamyz. Balalardyŋ eŋ maŋyzdy şaǧynda – säbi kezınde ata-analary janynda köbırek bolady».
«Jastarǧa jan-jaqty qoldau körsetu – memleketımızdıŋ basty mındetınıŋ bırı. Eŋbekpen qamtityn türlı şaralar arqyly kelesı jyly 100 myŋ jasty jūmysqa ornalastyruymyz kerek. Jastardyŋ käsıpkerlık bastamalaryna qoldau körsetu jalǧasady. Olarǧa jeŋıldetılgen tärtıppen jyldyq ösımı 2,5 paiyz bolatyn şaǧyn nesie berıledı. Būl şaralar qoǧamnyŋ barynşa üilesımdı ärı ädılettı boluyna yqpal etedı».
Men eŋ tömengı jalaqy deŋgeiın 60 myŋ teŋgeden 70 myŋ teŋgege deiın köteru turaly şeşım qabyldadym. Būl şeşım 1,8 million azamattyŋ tabysyna tıkelei äser etedı.
Bız zeinetaqy jüiesın de qaita jaŋǧyrtamyz. Zeinetaqynyŋ eŋ tömengı bazalyq mölşerlemesın bırtındep eŋ tömengı künkörıs deŋgeiınıŋ 70 paiyzyna, al joǧarǧy şegın 120 paiyzyna jetkızu qajet. Būǧan deiın qabyldanǧan şeşımdermen bırge būl qadam 2025 jylǧa qarai jiyntyq zeinetaqy mölşerın ortaşa alǧanda 27 paiyzǧa köbeitedı. Sondai-aq, äleumettıŋ talap-tılegın eskere otyryp, äielderdıŋ zeinet jasyn 2028 jylǧa deiın 61 jas deŋgeiınde qaldyramyz.
Jalpyhalyqtyq referendumda qabyldanǧan konstitusiialyq özgerıster Ädılettı Qazaqstannyŋ simvolyna ainaldy.
Bız Ata zaŋymyzda jer men tabiǧi resurstar halyqtyŋ menşıgı degen basty qaǧidatty bekıttık. Būl – qūr söz emes. Būl – barlyq reformanyŋ arqauy.
«Ärbır otbasy elımız paidalanyp jatqan ūlttyq bailyqtyŋ igılıgın köruı kerek. Sondyqtan, men jariialaǧan Balalar jylynyŋ aiasynda «Ūlttyq qor – balalarǧa» atty mülde jaŋa baǧdarlamany jüzege asyru öte maŋyzdy dep sanaimyn.
Ūlttyq qordyŋ jyl saiynǧy investisiialyq tabysynyŋ 50 paiyzyn balalardyŋ arnauly jinaqtauşy esepşotyna audarudy ūsynamyn. Qarjy är bala 18 jasqa tolǧanǧa deiın audarylyp tūrady, ony merzımınen būryn esepşottan şyǧaryp aluǧa bolmaidy. Jinaqtalǧan qarjy balalar kämelet jasyna tolǧannan keiın olardyŋ baspana nemese bılım aluyna jūmsalatyn bolady».
«Halyq ünıne qūlaq asatyn memleket» qaǧidasyn ūstanu asa maŋyzdy. Bız qoǧamǧa ırıtkı saludy emes, eldı ızgı maqsatqa jūmyldyrudy oilauymyz kerek. Ädılettı Qazaqstan ideiasynyŋ tüpkı mänı – osy.
Bızdıŋ aldymyzda airyqşa mındet tūr. Būl – elımızdıŋ egemendıgın jäne jerımızdıŋ tūtastyǧyn saqtap qalu.
Ädılettı Qazaqstandy qūru ısı endı ǧana bastaldy. Aldaǧy joldyŋ qiyndyǧy köp. Būl baǧdarymyz eşqaşan özgermeidı, ışkı jäne syrtqy ahual qandai bolsa da jalǧasa beredı. Qol qusyryp otyratyndar men qasaqana kedergı jasaityndarǧa oryn joq.
Bız taŋdaǧan jolymyzdan ainymaimyz!
Endeşe, Ädılettı Qazaqstandy bırge qūraiyq!
Qasiettı Otanymyzdy bırge örkendeteiık, aǧaiyn!»
Mıne, bärımızdıŋ oiymyzdaǧy, jyldar boiy kütken mäselelerımızdıŋ joly.
Säule DOSJAN,
jazuşy, QR Ebek sıŋırgen qairatkerı
