Eks-prezıdent Nursultan Nazarbaevtyń kúıeý balasy Tımýr Qulybaevpen baılanysty aqyly munaı óńdeý jáne munaı ónimderiniń saýdasy naryǵyndaǵy eń iri kompanııa – «Petrosun» kompanııasy «QazMunaıGazǵa» aýysty, dep habarlaıdy “Adyrna” ulttyq portaly QazTAG agenttigine siltep.
«Petrosun» JShS qyzmeti birte-birte «KC Energy Group» JShS-ne beriledi», - delingen «QazMunaıGaz» UK» AQ aralyq qarjylyq esebinde.
Aqparatqa sáıkes, «KC Energy Group» JShS «Petrosun» JShS-niń qatysýshylardyń quramy birdeı jáne basqarý tetikteri de birdeı sharttarda qurylǵan.
2023 jyldyń sońynda «QazMunaıGaz» jáne «Petrosun» ekeýine ıelik etetin CNPC International Qazaqstan janarmaı naryǵynda jumys isteıtin taǵy bir birlesken kompanııa – «KC Energy Group» JShS qurdy.
Eske sala keteıik, 25 qarashada Májilis depýtaty Ermurat Bapı Qazaqstannyń tabıǵı baılyqtaryn olıgarhtardyń satý jaǵdaıyn synǵa alyp, Qulybaevqa «jeterlik bolǵan shyǵar» dep, «halyqqa da ne nárse qaldyrý kerek» dep málimdegen edi.
