Búgin Saýd Arabııasynyń astanasynda One Water sammıtiniń ashylý saltanaty ótti. Sammıtte Túrkimenstannyń eks-prezıdenti, qazirgi Halyq máslahatynyń basshysy Ǵurbanǵuly Berdimuhamedov boı kórsetti, dep habarlaıdy “Adyrna” ulttyq portaly.
Qazaqstan Prezıdenti Qasym-Jomart Toqaev One Water sammıtiniń ashylý saltanatynda sóz sóıledi.
Ol sý qaýipsizdigi ornyqty damýdyń, ekonomıkalyq órleýdiń jáne qorshaǵan ortany qorǵaýdyń negizi bolyp sanalatynyn atap ótti.
Sammıtte Saýd Arabııasynyń Taq murageri, Premer-mınıstri Muhammed ben Salman Ál Saýd, Franııa Prezıdenti Emmanıýel Makron, Dúnıejúzilik bank tobynyń prezıdenti Adjaı Banga, Sý resýrstary ekonomıkasy jónindegi jahandyq komıssııanyń teń tóraǵasy (GCEW) Iohan Rokstrem jáne basqa el basshylarymen birge Túrkimenstannan eks-prezıdent Ǵurbanǵuly Berdimuhamedov barǵan.
Aıta ketsek, Túrkimenstandy 16 jylǵa jýyq basqarǵan Ǵurbanǵuly Berdimuhamedov 2022 jyldyń kókteminde qyzmetinen ketti.
Naýryzda prezıdent qyzmetinen ketken Ǵurbanǵuly Berdimuhamedov óziniń baqylaýyndaǵy saılaý arqyly bılikti uly Serdarǵa tabystady.
2006 jyldan beri elde qatań bılik júrgizip kelgen burynǵy prezıdent otstavkaǵa ketse de, memleketti basqarý apparatyna yqpaly áli júrip tur.
Berdimuhamedov prezıdent bolmasa da, memleket basshylaryn qabyldap, úkimet otyrysyna qatysyp, óńirlerdi aralap shyǵyp turady.
Onyń "Arqadaǵ" ("qorǵaýshy") degen mártebesi de bar.
