Saýd Arabııasynda ótken One Water sammıtinde Qazaqstan Respýblıkasynyń Sý resýrstary jáne ırrıgaııa mınıstrligi, Franııanyń Damý agenttigi (AFD) jáne Franııanyń Geologııa jáne taý-ken zertteýleri bıýrosy (BRGM) úshjaqty yntymaqtastyq týraly kelisimge qol qoıdy, dep habarlaıdy "Adyrna" ulttyq portaly QR Sý resýrstary jáne ırrıgaııa mınıstrliginiń baspasóz qyzmetine silteme jasap.
Sammıtke Qazaqstan Prezıdenti Qasym-Jomart Toqaev pen Franııa Prezıdenti Emmanýel Makron qatysty.
Bul qujattyń maqsaty – Balqash kólin saqtaý salasyndaǵy yntymaqtastyqty damytý. QR Sý resýrstary jáne ırrıgaııa mınıstrliginiń atynan kelisimge qol qoıý rásimine birinshi vıe-mınıstr Bolat Beknııaz qatysty.
Kelisim aıasynda Balqash kóliniń sý resýrstaryn basqarýdy damytý úshin Sý resýrstary jáne ırrıgaııa mınıstrligine 1,35 mıllıon eýro kóleminde grant bólinedi.
Franýz tarapy Balqash kóliniń basseınine aýqymdy zertteý júrgizip, onyń nátıjeleri boıynsha 2040 jylǵa deıingi uzaq merzimdi bas jospar ázirleıdi. Bul jospar ishki sý resýrstaryn saqtaý sharalaryn qamtıdy.
Sonymen qatar, mınıstrlik BRGM uıymymen sý resýrstary salasyndaǵy ózara túsinistik týraly memorandýmǵa qol qoıdy. Qujat osy saladaǵy ekijaqty yntymaqtastyqty damytýǵa baǵyttalǵan.
— AFD jáne BRGM uıymdarymen úshjaqty kelisim Balqash kóliniń basseınindegi sý resýrstaryn zertteý men turaqty basqarýǵa baǵyttalǵan. Qujat sý sapasyn ólsheý men taldaý, klımattyq jáne antropogendik áserlerdi modeldeý, sondaı-aq 2040 jylǵa deıingi sý balansynyń boljamyn qamtıdy. Zertteý nátıjesinde ózenderdi tazartý, topyraqtyń degradaııasy men sýdyń lastanýyn boldyrmaý, balyq sharýashylyǵy men ekologııalyq týrızmdi damytý, sondaı-aq kóldi qorǵaýǵa arnalǵan normatıvtik-quqyqtyq baza qurý boıynsha sharalar júzege asyrylady, – dedi Sý resýrstary jáne ırrıgaııa mınıstri Nurjan Nurjigitov.
