Almatydaǵy «Adyrna» ulttyq-etnografııalyq birlestigi Almaty qalasy, Ishki saıasat basqarmasynyń qoldaýymen «Otan ottan da ystyq!» jobasyn qolǵa aldy. Joba aıasynda shetten kelgen qandastarǵa arnap kásip bastaý, tildik, quqyqtyq kýrstar uıymdastyrylyp keledi. Qandastarymyzdyń, ásirese azamattyq alýy óte kúrdeli máselelerdiń biri.
Sondyqtan Qazaqstan Respýblıkasynyń Senatyna, «Nur Otan» partııasyna jáne Almaty oblystyq IIB Kóshi-qon basqarmasyna hattar joldady. Bolashaqta osy hattarǵa alynǵan jaýaptardy "Adyrna" ulttyq portalynan oqı alasyzdar.
QR Parlamenti Senatynyń
Tóraǵasy Q. K. Toqaevqa,
QR Parlamenti Májilisiniń
tóraǵasy N. Z. Nyǵmatýlınge,
Parlamenttiń barlyq depýtattarynyń nazaryna
Ashyq hat
Bıyl «Adyrna» ulttyq-etnografııalyq birlestigi Almaty qalasy, Ishki saıasat basqarmasynyń qoldaýymen «Otan ottan da ystyq!» jobasyn qolǵa aldy. Joba aıasynda shetten kelgen qandastarǵa arnap kásip bastaý, tildik, quqyqtyq kýrstar uıymdastyryp keledi. Budan tys quqyqtyq keńes berý, zańdyq turǵydan qolushyn berý syndy mindetterdi atalǵan uıym óz moıynyna aldy. Jáne mundaı qyzmetterdi tegin uıymdastyryp kelemiz. Bizdiń negizgi kótergeli otyrǵan másele – bul jumystardyń qalaı, nege uıymdastyrylýynda emes, oralmandardyń búgingi betpe-bet kelip otyrǵan bir qatar qıyndyqtar týrasynda bolmaq. Al, bizdiń joba týraly atap ótýimizdegi basty sebep – tek sizderge mán-jaıdyń túsinikti bolýy úshin qysqasha tanystyrǵanymyz edi. Sózdiń shyny kerek, biz buǵan deıin qandastar máselesin qoǵamdyq belsendi uıym retinde jaı ǵana problemalar qatarynda túsinip kelippiz. Tipti, bilmeıdi ekenbiz. Sebebi, olar BAQ ókilderi arqyly óz máselelerin kóterýdi, talap etýdi bilmegen. Saldarynan biz ǵana emes, Qazaqstandaǵy ultym degen qoǵamdyq kez kelgen uıym olardyń qıyndyqtarynan habarsyz. Oralmandar máselesin tıisti mekemeler ǵana estip, biledi eken. Bizdiń soǵan kózimiz jetti. Buǵan deıin baspasóz betinde jıy aıtylyp kelgen Saıragúldiń soty sııaqty aıtýly oqıǵalarǵa ǵana alańdap kelippiz. Dál osy salǵyrttyǵymyzdyń saldarynan qanshama qandasymyz qujattyq qıyndyq kórip keledi. Shekaradan zańdy qujatymen, eki memlekettiń ruqsatymen kelip, endi ne oralman kýálik ala almaı, oralman kýálik alsa azamattyq ala almaı sabylyp júrgen qandastardyń búgingi hal-aqýalyn, joǵaryǵa, ıaǵnı sizderge jetkizýge kiristik. Buǵan sebep - «Adyrna» birlestigine kelip túsken hattar legi. Biz qandastarǵa quqyqtyq kómek berýdi bastaǵan kezde-aq, jedel jeli (+7708 808 77 08 jáne +7 727 983 51 33) jáne www.qandastar.kz saıtyn iske qosqan edik. Atalǵan jelige habarlasqan jáne jazbasha hat joldaǵandar sany kún sanap artyp keledi. Máseleler legi tómendegideı:
- Oralman kýáliktiń ýaqyty ótip ketkender. (Oralman kýáliktiń ýaqyty ótip ketkenine 6 aıdan asqandar múldem azamattyq ala almaıdy)
- Azamattyq nemese yqtııar hatqa qujat tapsyrǵandar. (Bulardyń aldy bir jyldan asyp ketkenderi bar. Álige deıin ne azamattyǵy joq, ne qujattar joq sabylyp júrgender)
- Pasporttarynyń ýaqyty ótip ketkender (ár túrli jaǵdaılarda).
- Vızasynyń ýaqyty ótip ketkender.
- Qytaı Halyq Respýblıkasynan ýaqytsha suranyp kelgender. (Bular 2-3 aı nemese belgili merzimge suranyp keledi eken. Jáne Qytaıdaǵy tike týystarynyń birin kepilge qoıyp ketedi. Eger atalǵan ýaqytta Qytaıǵa qaıtpaǵan jaǵdaıda álgi kepildegi týysyn «Saıası úırenýge» alyp ketedi. Al, der kezinde qaıtyp barsa «Qazaqstanǵa shyqqany úshin» ózderin ustap áketedi. Biz endi Qytaıdaǵy saıası jaǵdaılarǵa aralasýǵa esh múmkindigimiz joqtyǵyn eskere otyryp, el ishinde osy máselelerdi jedel retteý jolyn qarastyrsaq.)
- Elimiz azamattyǵyn alǵan Qytaıdan kelgen qandastarymyz úshin Qytaıdaǵy qujattarynyń túpnusqasyn (Nopos dep atalatyn) óshirý máselesi. (Olarǵa noposty óshiremin Qytaıǵa dep barsa, «sen eki el azamatysyń» dep shekaradan ótken boıda ustap alady. Al, óshirmegen jaǵdaıda Qazaqstan polıeıleri arqyly ustap áketedi. Qalaı bolmasyn Qytaı quryǵyna túsedi.)
- Elimizdegi kóshi-qon bólimsheleriniń qyzmettin asyra paıdalanýshylyq. Oralmandardy qabyldaýda, qujattaryn rettýde salǵyrttyq tanytýy. (Birde baza istemeı tur, birde bastyq joq, endi birde qujattaryń tolyq emes degen sııaqty syltaýlarǵa kóp salynatyny anyqtaldy. Saldarynan deldaldardyń jumysy júrip turǵan kórinedi. Búginde oralmandar qujat tapsyrýdyń jalǵyz joly – deldaldar dep túsinedi. Biz muny esh dálelsiz aıtyp otyrǵamyz joq. Almaty obl. Eńbekshiqazaq aýd. Shelek aýylynan kelip túsken 40-tan astam aryz-shaǵymdar negizinde qandastraǵa kómek berý maqsatynda barǵanymyzda kóz jetkizdik. Jaı ǵana: «qandastardyń azamattyǵy jyldan asypty ne sebep bolyp tur eken, bazadan qarap, mán-jaıyn anyqtap bere alasyz ba?» degen saýalymyzǵa esik-terezesin tars jaýyp, jaýap bermeı qashqan basshylyqtyń áreketi oılandyryp tastady. Ashyqtyqtan qashýdyń ózi jemqorlyqtyń saldary dep túsndik. Óıtkeni, azamattyqqa qujat tapsyryp jyl boıy sabylyp júrgen qandastardyń jalǵyz armany – «QR azamattyǵy qashan shyǵady eken?» ǵana. Al, sol bir japyraq sheshimniń shyqqan-shyqpaǵanyn surap kóshi-qon bólimshelerine barsa, jaýap bermeı jaltarýdyń esh reti joq sııaqty. Ár qandas óziniń tapsyrǵan qujatynyń qaı ýaqytta daıyn bolatynyn bilip otyrýǵa tıis.)
Qurmetti depýtattar, qadirli quzyrly organ basshylary!
Biz joǵaryda atalǵan máselelerdi qarastyra, talqylaı kele mynadaı sheshý joldaryn qarastyramyz:
- Oralman kýáliginiń ýaqytyn bir jylǵa ǵana emes 4-5 jylǵa sozý nemese ýaqyty ótip ketkenderdi alty aı ishinde emes kez kelgen ýaqytta bir jylǵa qaıta uzartý. Tipti, kerek bolsa oralman kýáliginsiz azamattyqqa qujat tapsyrý máselesin qarastyrýdy. Yqtııar hat pen oralman kýáliktiń azamattyq alýǵa esh qatysy joq bolýyn suraımyz. Atalǵan eki qujat ta qandastarymyz azamattyq almaǵan jaǵdaıda elimizge kelgen sheteldik ózge ult ókilderinen mártebesi joǵary ekenin aıshyqtaıtyn statýs bolyp tabylady. Kerek deseńiz keıbir múmkindikterdi QR azamattarymen teń quqyly ıgiliktený úshin berilýge tıis. Sondaı-aq, túrli áleýmettik kómek qarajattar men kvota alý úshin kerek. Al, «birden azamattyq alamyn» - degen adamǵa ondaı qujattyń keregi ne? Qandastar kelgen bette oralman bolyp sabylyp júrgenshe azamattyq alyp, el qatarly kún kórgenderi álde qaıda tıimdi emes pe?
- Yqtııar hat pen azamattyqqa sheshimdi zań boıynsha ary ketse 6 aı ishinde qandastarymyz qolǵa alýǵa tıis. Onda nege bir jarym jylǵa jýyqtaǵan qandastarymyz bar osy máselemen sabylyp júrgen?. Munyń sheshimi, tıisti mekemelerdiń, kóshi-qon bólimshelerdiń qyzmetin jaqsartý. Beınekameralardy kóptep ornatý. Onlaıyn baqylaýdy kúsheıtý. Ondaǵy zańsyzdyqqa, salǵyrttyqqa, uqypsyzdyqqa qatań tıim salý kerek. Tipti keıbir qujattardyń ózi osy kóshi-qon bólimshelerinde jatyp ýaqyty ótip ketken jaǵdaılar tirkelgen. Qandastardyń qujattaryn qabyldaǵan kezde qabyldaǵan ýaqyt kórsetilgen anyqtama bermeıdi eken. Saldarynan kóptegen baýyrlarymyz qujattarynyń ýaqyty dál osy kóshi-qon bólimshesinde «qaraýsyz jatyp ótip ketkenin» dáleldeı almaı qınalýda. BIZDIŃ USYNYS: aýdandyq kóshi-qon bólimshelerin onlaıyn baqylaý nemese halyqqa qyzmet kórsetý ortalyqtaryna ornalastyrý. «Bir tereze» qyzmetiniń ıgiligin qandastarda kórýge tıis.
- Pasporttyń ýaqyty ótken jaǵdaıda Qytaıǵa shyqpaı-aq, elimiz ishinde retteý jolyn qarastyryp, zań tetikterine ózgertýler engizý kerek. Sebebi, Qytaıǵa qaıtqan qandastardyń qaıtyp kelýi eki talaı.
- Vızanyń ýaqyty bitpeı turyp, 15 kún buryn el ishinde uzartyp berý jolyn qarastyrý kerek.
- Qytaıdan ýaqytsha suranyp kelgenderdiń taǵdyry qıyn ekenin joǵaryda túsindirdik dep oılaımyz. Olardy aman alyp qalýdyń jalǵyz joly – QR azamattyǵyn berý.
- Noposty osydan eki jyl buryn elimiz shekarasynan shyqpaı turyp, vıchat áleýmettik jelisi arqyly qolhat arqyly óshirtý múmkindigi bolǵan. Sol múmkindikti qaıta qalpyna keltirý joldaryn qarastyrý kerek. Notarııaldy qujattar arqyly kómektesý joldaryn izdeý.
- Kóshi-qon qyzmetin jaqsartýdyń joly joǵaryda aıtqanymyzdaı: aýdandyq kóshi-qon bólimshelerin onlaıyn baqylaý nemese halyqqa qyzmet kórsetý ortalyqtaryna ornalastyrý. «Bir tereze» qyzmetiniń ıgiligin qandastarda kórýge tıis. Nemese qoǵamdyq baqylaý júıesin, ashyqtyq qyzmetin iske qosý kerek. Ár basshy nemese qyzmetker ózi qandaı qujat tapsyryp aldy, qandaı qıyndyqtarǵa tap boldy jáne ony qalaı sheship bergeni týraly ashyq málimetter berip otyrý kerek. Sonda dál sondaı qıyndyqqa tap bolǵan basqa qandasymyz da habardar bolyp, aqparat alyp otyratyn bolady.
Qurmetti depýtattar, qadirli quzyrly organ basshylary!
Elbasy ishki-syrtqy kóshi-qonǵa erekshe nazar aýdaryp otyrǵanyn bizden de jaqsy bilesizder. Sebep – soltústikti qazaqylandyrý, el irgesin bekemdeý, adam kapıtalyn jaqsartý joldaryn aıryqsha qolǵa alý bolatyn. Sol úshin tipti sheksiz táýekelge baryp, el ekonomıkasy aýmaly-tókpeli tusta Almatydan Arqaǵa aýdy. Astanany kóshirdi. El esin jımaı, sonaý táýelsizdik alǵan jyldary álemdegi barsha qandasyn shaqyrdy. Minekı dál osyndaı kóregendikter men kemel saıasattyń arqasynda el ishi ónerge, mádenıetke tolysyp, halyq sany artty. Budan utpasaq utylmasymyz, antalap turǵan kórshilerimizge jutylmasymyz anyq. Onyń bárin jipke tizip, aıtyp otyrýdyń reti joq shyǵar. Biraq sodan beri mıllıonǵa jýyq qandasymyzdyń kóship kelip, el azamattyǵyn alǵanyn atap ótpeske bolmas. Qazirde Qytaıda 1,5 mln-ǵa jýyq, Ózbekstanda mıllıonnyń aınalasynda, Reseıde 650 myńǵa jýyq, mońǵolııada 100 myńnan asa, Túrkimende 40 myń, Qyrǵyzda 32 myń (málimetter vıkıfedııadan alyndy) qazaq baryn eskersek bizdiń qazirgi qandastar úshin «Qaǵaz bastylyǵymyz» Prezıdent kútken úmitke keri qyzmet etý bolyp tabylmaı ma degen de oı keledi. «Otan úshin» dep kelgen baýyrlardy azamattyq bermeı sabyltyp qoıýymyzdyń ózi ar sotynyń aldynda «kúná» bolmaı ma? Árıne, zańnan asyp, sheńberden shyǵyp, esh tekserýsiz azamattyq bere berýdiń ózi qaterli bolýy yqtımal. Ondaı múmkindikti ózge ult ókilderi men «jat pıyǵyldy» jaýyzdar óz múddelerine paıdalanyp ketýi de ǵajap emes qoı. Sondyqtan, bizdiń talabymyz – basqa-kózge qaramaı «má azamattyǵyń» dep ustata berý emes, azamattyq alýdyń jolyndaǵy basy artyq qujattardy azaıtý. QR azamattyǵyn alýǵa kedergi joldardy zań sheńberinde retteý kerek dep esepteımiz. Elbasynyń sarapdal saıasatyna ún qosa otyryp, tarydaı shashylǵan qazaqtyń tezirek oralýyna «jáıli jaǵdaı» jasaýdyń tetikterin qarastyrý bolmaq. Tómende bizge kelip túsken ótinish-aryzdardyń tizimin usynbaqpyz.
EKINShI HAT:
«Nur Otan» partııasynyń
Birinshi orynbasary
M. S. Áshimbaev myrzaǵa
Qurmetti Máýlen Saǵathanuly!
Bıyl «Adyrna» ulttyq-etnografııalyq birlestigi Almaty qalasy, Ishki saıasat basqarmasynyń qoldaýymen «Otan ottan da ystyq!» jobasyn qolǵa aldy. Joba aıasynda shetten kelgen qandastarǵa arnap kásip bastaý, tildik, quqyqtyq kýrstar uıymdastyryp keledi. Budan tys quqyqtyq keńes berý syndy naqty mindetti atalǵan uıym óz moıynyna aldy. Jáne mundaı qyzmetterdi tegin uıymdastyryp kelemiz.
Shekaradan zańdy qujatymen, eki memlekettiń ruqsatymen kelip, endi ne oralman kýálik ala almaı, oralman kýálik alsa azamattyq ala almaı sabylyp júrgen qandastardyń búgingi hal-aqýalyn, joǵaryǵa, ıaǵnı sizderge jetkizýge kiristik. Buǵan sebep - «Adyrna» birlestigine kelip túsken hattar legi. Biz qandastarǵa quqyqtyq kómek berýdi bastaǵan kezde-aq, jedel jeli (+7708 808 77 08 jáne +7 727 983 51 33) jáne www.qandastar.kz saıtyn iske qosqan edik. Atalǵan jelige habarlasqan jáne jazbasha hat joldaǵandar sany kún sanap artyp keledi. Dál sondaı hattardyń negizinde Almaty obl. Eńbekshiqazaq aýd. Shelek aýylyna barǵan edik. Maqsatymyz ár túrli qujattaryn tapsyryp, jylǵa jýyq sonyń «daıyn bolǵan nemese bolmaǵanyn» bile almaı júrgen qandastardyń máselesiniń shyn-ótirigine kóz jetkizý. Negizi «qolymyzda dálel bar» degen kisilerdiń barlyǵynyń máselesin kótersek hatymyz hat emes, kitap bolyp keter. Sondyqtan naqty óz kózimizben kórip, foto-vıdeoǵa jazyp alǵan dáıekterimiz negizinde sóılesek. Shelekke kire beristen «Ózin kóshi-qon bólimshesiniń basshysymyn» - dep tanystyrǵan azamat bizdi birden tamaqqa shaqyrdy. Jáne jınalǵan kisilerdi kóshi-qonnyń aldynan alyp ketýimizdi, olarǵa ákimshilikten «salqyn, jaıly oryn» qarastyryp qoıǵanyn aıtty. Munyń ózi qazaqta aıtatyn «jeń ushynan jalǵasýdyń» kórinisi emes pe? Biraq biz «halyqqa ýáde berip qoıǵanymyzdy jáne talaptaryn kóshi-qon bólimshesiniń aldynda bir-birlep tyńdaıtynymyzdy» aıttyq. Sonymen bólimshege kelgen basshy myrza ózgerip sala berdi. Esikti tarys jaýyp jaýap berýden qashty. Dóreki minez kórsetip, bizdiń iske aralaspaýymyzdy talap etti. Biraq, biz jaı ǵana «qandastardyń tapsyrǵan qujattary ne úshin daıyn bolmaı jatyr, sebebin bir-birlep bilip bereıik, múmkin qujattyq qatelikter bar shyǵar» - degen usynysymyz polıııa basshysyna túsindirý arqyly, áreń esigin ashty. Joǵaryda atalǵan máseleler týraly foto-vıdeo dáıek bar qolymyzda. Biraq, ony esh jerge jarııalamaımyz. Sebebi bizdiń maqsat jekelegen basshylarǵa shúıligý emes, qandastardyń máselesin kóterý.
Budan shyǵar túıin:
- Atalǵan bólimshe basshysy ashyqtyqtan qashady;
- Is-áreketteri jemqorlyqqa ıtermeleıdi;
- Halyq aldyndaǵy mindetin sezinbeıdi.
- Atalǵan mekemede qyzmet talaptary saqtalmaǵan:
- Qujat tapsyrǵan kisilerge túbirtek berilmeıdi
- Qyzmetkerler djınsy-shorty kıgen
- Mekemeniń ataýy kórsetilmegen
- Memlekettik tý joq
- Qujattardy zańdy merziminen keshiktirip, kisilerdi ábigerge salady
Tómende kelip túsken aryz berýshiler tizimi kórsetilgen. Bir jyldan astam ýaqyt azamattyq ala almaı júrgenderi bar arasynda.
Birinshiden: Bul degenińiz Elbasynyń ishki-syrtqy kóshi-qondy retteý syndy aıryqsha tapsyrmasyna keraǵar qyzmet kórsetý bolyp tabylmaı ma?
Ekinshiden: Ár qandas azamat óziniń tapsyrǵan qujatynyń qaı deńgeıde qaralyp jatqanyn, keshigip jatsa onyń sebep-saldaryn bilip otyrýǵa tıisti emes pe? Álde bári jabyq ustala ma?
Úshinshiden: QR azamattyǵyna ótinish alty aı ishinde qarastyrylýy kerek edi. Jyldan asqan azamattardyń quqyǵy buzylǵan, zań talaptary oryndalmaǵan bolyp tabylmaı ma?
Almaty oblysy, Eńbekshiqazaq aýdany, Shelek aýylynda qalyptasqan jaǵdaıdy anyqtap, ahýaldy zerttep jáne joǵaryda qoıylǵan saýaldarymyzǵa jazbasha 10 jumys kúniniń ishinde jaýap berýlerińizdi suraımyz.
ÚShINShI HAT:
Almaty oblystyq IIB
Kóshi-qon qyzmetiniń
Basshysy E. N. Altaev myrzaǵa
Qurmetti Erjan Nursultanuly!
Bıyl «Adyrna» ulttyq-etnografııalyq birlestigi Almaty qalasy, Ishki saıasat basqarmasynyń qoldaýymen «Otan ottan da ystyq!» jobasyn qolǵa aldy. Joba aıasynda shetten kelgen qandastarǵa arnap kásip bastaý, tildik, quqyqtyq kýrstar uıymdastyryp keledi. Budan tys quqyqtyq keńes berý syndy naqty mindetti atalǵan uıym óz moıynyna aldy. Jáne mundaı qyzmetterdi tegin uıymdastyryp kelemiz.
Shekaradan zańdy qujatymen, eki memlekettiń ruqsatymen kelip, endi ne oralman kýálik ala almaı, oralman kýálik alsa azamattyq ala almaı sabylyp júrgen qandastardyń búgingi hal-aqýalyn, joǵaryǵa, ıaǵnı sizderge jetkizýge kiristik. Buǵan sebep - «Adyrna» birlestigine kelip túsken hattar legi. Biz qandastarǵa quqyqtyq kómek berýdi bastaǵan kezde-aq, jedel jeli (+7708 808 77 08 jáne +7 727 983 51 33) jáne www.qandastar.kz saıtyn iske qosqan edik. Atalǵan jelige habarlasqan jáne jazbasha hat joldaǵandar sany kún sanap artyp keledi. Dál sondaı hattardyń negizinde Almaty obl. Eńbekshiqazaq aýd. Shelek aýylyna barǵan edik. Maqsatymyz ár túrli qujattaryn tapsyryp, jylǵa jýyq sonyń «daıyn bolǵan nemese bolmaǵanyn» bile almaı júrgen qandastardyń máselesiniń shyn-ótirigine kóz jetkizý. Negizi «qolymyzda dálel bar» degen kisilerdiń barlyǵynyń máselesin kótersek hatymyz hat emes, kitap bolyp keter. Sondyqtan naqty óz kózimizben kórip, foto-vıdeoǵa jazyp alǵan dáıekterimiz negizinde sóılesek. Shelekke kire beristen «Ózin kóshi-qon bólimshesiniń basshysymyn» - dep tanystyrǵan azamat bizdi birden tamaqqa shaqyrdy. Jáne jınalǵan kisilerdi kóshi-qonnyń aldynan alyp ketýimizdi, olarǵa ákimshilikten «salqyn, jaıly oryn» qarastyryp qoıǵanyn aıtty. Munyń ózi qazaqta aıtatyn «jeń ushynan jalǵasýdyń» kórinisi emes pe? Biraq biz «halyqqa ýáde berip qoıǵanymyzdy jáne talaptaryn kóshi-qon bólimshesiniń aldynda bir-birlep tyńdaıtynymyzdy» aıttyq. Sonymen bólimshege kelgen basshy myrza ózgerip sala berdi. Esikti tarys jaýyp jaýap berýden qashty. Dóreki minez kórsetip, bizdiń iske aralaspaýymyzdy talap etti. Biraq, biz jaı ǵana «qandastardyń tapsyrǵan qujattary ne úshin daıyn bolmaı jatyr, sebebin bir-birlep bilip bereıik, múmkin qujattyq qatelikter bar shyǵar» - degen usynysymyz polıııa basshysyna túsindirý arqyly, áreń esigin ashty. Joǵaryda atalǵan máseleler týraly foto-vıdeo dáıek bar qolymyzda. Biraq, ony esh jerge jarııalamaımyz. Sebebi bizdiń maqsat jekelegen basshylarǵa shúıligý emes, qandastardyń máselesin kóterý.
Budan shyǵar túıin:
- Atalǵan bólimshe basshysy ashyqtyqtan qashady;
- Is-áreketteri jemqorlyqqa ıtermeleıdi;
- Halyq aldyndaǵy mindetin sezinbeıdi.
- Atalǵan mekemede qyzmet talaptary saqtalmaǵan:
- Qujat tapsyrǵan kisilerge túbirtek berilmeıdi
- Qyzmetkerler djınsy-shorty kıgen
- Mekemeniń ataýy kórsetilmegen
- Memlekettik tý joq
- Qujattardy zańdy merziminen keshiktirip, kisilerdi ábigerge salady
Tómende kelip túsken aryz berýshiler tizimi kórsetilgen. Bir jyldan astam ýaqyt azamattyq ala almaı júrgenderi bar arasynda.
Birinshiden: Bul degenińiz Elbasynyń ishki-syrtqy kóshi-qondy retteý syndy aıryqsha tapsyrmasyna keraǵar qyzmet kórsetý bolyp tabylmaı ma?
Ekinshiden: Ár qandas azamat óziniń tapsyrǵan qujatynyń qaı deńgeıde qaralyp jatqanyn, keshigip jatsa onyń sebep-saldaryn bilip otyrýǵa tıisti emes pe? Álde bári jabyq ustala ma?
Úshinshiden: QR azamattyǵyna ótinish alty aı ishinde qarastyrylýy kerek edi. Jyldan asqan azamattardyń quqyǵy buzylǵan, zań talaptary oryndalmaǵan bolyp tabylmaı ma?
Almaty oblysy, Eńbekshiqazaq aýdany, Shelek aýylynda qalyptasqan jaǵdaıdy anyqtap, ahýaldy zerttep jáne joǵaryda qoıylǵan saýaldarymyzǵa jazbasha 10 jumys kúniniń ishinde jaýap berýlerińizdi suraımyz.
