Pavlodar oblysynda ákimniń orynbasary "zorlady" degen adamǵa qatysty úkim shyqty, dep habarlaıdy "Adyrna" ulttyq portaly.
Oblystyq qylmystyq ister jónindegi mamandandyrylǵan aýdanaralyq soty asa iri kólemde aqsha bopsalaý isi boıynsha úkim shyǵardy.
Iste jábirlenýshi bolyp Pavlodar oblysy ákiminiń orynbasary Serik Batyrǵojınov tanylǵan. Ol 39 jastaǵy pavlodarlyq áıeldi ózin bopsalady dep aıyptaǵan.
Alqabıler úkimdi 4 mamyr kúni shyǵardy.
“Ony 194-baptyń 4-bóliginiń 2-tarmaǵy (Bopsalaý) boıynsha kináli dep tanyp, 3 jylǵa bas bostandyǵynan aıyrý, jazasyn jalpy rejımdegi túzeý mekemesinde óteý jazasy taǵaıyndalsyn», – dedi sot Nurlan Aıtbaev.
Alqabıler "zorlady" dep ákimniń orynbasaryn aıyptaǵan áıeldi biraýyzdan kináli dep tapty.
“Erekshe kútimdi qajet etetin balańyzdyń bar ekenin eskere otyryp sot eń jeńil jaza taǵaıyndady”, – dedi sot.
Aıyptalýshy sot zalynda qamaýǵa alyndy.
Aıta keteıik, jeli qoldanýshylarynyń biri Batyrǵojınov pavlodarlyqty zorlady dep aıyptaǵan edi. Artynsha qylmystyq is qozǵalyp, derek rastalmady dep habarlanǵan. IIM basshysy Erjan Sádenov zorlaý deregi rastalmaǵannan soń is toqtatylǵanyn habarlaǵan bolatyn.
