Balalarǵa alǵashqy qońyraý jaqyndaǵan saıyn, ata-analar mektep formasyn qalaı alamyz dep alańdaýda. Baǵa sharyqtaǵany sonshalyq, kóp balaly otbasylar 3-4 balaǵa birden qalaı tolyq jabdyq alaryn bilmeı otyr. Ońǵar Qabden óz facebook paraqshasynda osy taqyrypta ózekti pikirin bildirdi.
Ol óz jazbasynda bazardaǵy kıimderdiń baǵasy óte qymbat ekenin, qol jetimdi kıimder Qyrǵyzstannan shyqqan ónim ekenin alǵa tartty.
Bazarǵa barsam mektepke balalaryn kıindirýge aǵylǵan halyq. Baǵa ushyp tur. Baıqaǵanym jurttyń alatyny qol jetimdi Qyrǵyzdan keletin kıimder eken. Túrkııadan kelgen kostıým-shalbardyń 50 myńnan tómeni joq. Odan da ol aqshaǵa qyrǵyzdyq kostıým shalbdardyń ekeýin almaı ma?
Pavlodarda buryn Artýr, Kvazar men ıarmarka dúrkirep turýshy edi. Qazir almatylyq baǵa men Arzan kıimder jelisi olardy naryqtan ysyryp tastapty. Almatylyq arzan dúkenderiniń taýarynyń deni qyrǵyz aǵaıyndiki. Tapqany tamaqtan aspaıtyn halyq árıne arzanyna júgiredi.
Sonda ózimizden eshteńe shyqpaı ma? Jeńgemnen surasam basqasyn aıtpaǵanda kádimgi aq márli bar ǵoı sonymen Qazaqstandy ózbekter qamtamasyz etip tur deıdi.
Jetisaıda maqta egemiz. Ony egý, baptap, ósirý óte aýyr jumys. Sony dıhandar bolmaıtyn tıyn-tebenge satady ǵoı. Esil eńbek.
Aýyldarda maldyń terisi men júni kóringen saıda shashylyp jatyr. Eshkim almaıdy.
Qaptatyp meshit sala bergenshe tym qurysa teri-jún óńdeıtin zaýyt salǵanda ǵoı. Óz kıimimizdi ózimiz tigip, jumyssyzdyq máselesin de sheshetin edik. Áıtpese, Qytaımen, Qyrǵyzben shekarany japsaq jalańbut qalǵandaı ekenbiz. Zaýyt-fabrıka salǵanda da jumys isteıtinin salý kerek.
Áıtpese, Nazarbaev kelip lentasyn qıyp, erteńinde jabylyp qalǵan zaýyt-fabrıkalardy halyq sanap turyp aıta alady,- dep jazdy ol.
”Adyrna” ulttyq portaly
