Foto: Reuters
Türkiianyŋ Antalia qalasynda ötıp jatqan BŪŪ-nyŋ COP31 klimattyq konferensiiasynda elder arasyndaǧy kelıssözder kürdelene tüstı. Jeksenbı künı taŋerteŋ jariialanǧan kelısımnıŋ jaŋa jobasynda älemdık ekonomikany elektrlendıru maqsaty saqtalǧanymen, qazba otyndarynan bas tartu turaly naqty talap engızılmegen, dep habarlaidy "Adyrna".
AFP agenttıgınıŋ habarlauynşa, qūjattyŋ soŋǧy nūsqasy jeksenbı künı ötetın qorytyndy otyrysta 200-ge juyq eldıŋ maqūldauyna ūsynyluy tiıs. Alaida bırqatar memleketter jobanyŋ mazmūnyna narazylyq bıldırıp otyr.
Europalyq odaq ökılı jaŋa jobany «kerı qadam» dep baǧalap, kelıssözderdıŋ ortaq kelısımsız aiaqtalu qaupı bar ekenın mälımdedı. Onyŋ aituynşa, mūnai öndıruşı elder qazba otyndaryna qatysty talaptardy jūmsartu üşın belsendı türde qarsylyq tanytyp jatyr.
Aita keteiık, konferensiia barysynda qazba otyndarynan kezeŋ-kezeŋımen bas tartu mäselesı negızgı dauly taqyryptardyŋ bırıne ainaldy. Osy aptada ūsynylǧan alǧaşqy jobada qazba otyndaryn paidalanudy jedel qysqartu közdelgen bolatyn. Alaida beisenbı künı jariialanǧan ekınşı nūsqadan būl turaly barlyq tūjyrymdar alynyp tastalǧan.
Būǧan jauap retınde Fransiia men Panama bastaǧan bırqatar memleket jūma künı kelısımge qazba otyndarynan naqty ärı aiqyn bas tartu jolyn engızudı talap ettı.
Jaŋa qūjatta kömırqyşqyl gazyn ūstau jäne saqtau tehnologiialaryn keŋınen qoldanu turaly ūsynys ta saqtalǧan. Būl bastamany energetika salasynyŋ ökılderı qoldasa, synşylar tehnologiianyŋ qymbat ekenın jäne parniktık gazdar şyǧaryndylaryn azaitudaǧy tiımdılıgı tömen ekenın alǧa tartady.
Antigua jäne Barbuda qorşaǧan ortany qorǧau ministrı Maikl Djozef te kelısım jobasyna köŋılı tolmaitynyn jetkızdı. Onyŋ pıkırınşe, qūjatta qazba otyndary mäselesıne jetkılıktı nazar audarylmaǧan. Ministr qazırgı nūsqasyn qoldai almaitynyn mälımdedı.
Osylaişa, COP31 konferensiiasyndaǧy basty mäsele – qazba otyndarynan bas tartu jönınde elderdıŋ ortaq ūstanymǧa kele almauy. Qorytyndy kelısımnıŋ qabyldanuy qatysuşy memleketterdıŋ özara ymyraǧa keluıne bailanysty.
