Búgin - Qazaqstan tarıhyndaǵy alǵashqy áıel Elshi Aqmaral Arystanbekovanyń týǵan kúni, dep habarlaıdy "Adyrna" ulttyq portaly.
Ol - Qazaqstan Respýblıkasynyń Birikken Ulttar Uıymyndaǵy birinshi turaqty Ókili, QR Syrtqy ister mınıstrliginiń erekshe tapsyrmalar boıynsha Elshisi qyzmetin atqarǵan.
Qazaqtan shyqqan tuńǵysh áıel Elshi 1948 jyldyń 12 mamyrynda Almaty qalasynda dúnıege kelgen.
Aqmaral Qaıdarqyzynyń eńbek joly 1974 jyly Qazaq memlekettik ýnıversıtetindegi zerthanada kishi, aǵa ǵylymı qyzmetker bolyp bastap, 1978-1981 jyldary Qazaqstan Lenındik Kommýnıstik Jastar Odaǵy Ortalyq Komıtetiniń ǵylymmen aınalysatyn jastarmen jumys bóliminiń meńgerýshisi bolady. Odan keıin 1981-1983 jyldary Qazaqstan Lenındik Kommýnıstik Jastar Odaǵy Ortalyq Komıtetiniń hatshysy boldy.
Al 1983 jyly Aqmaral Arystanbekova Qazaq dostyq jáne mádenıet qoǵamdastyǵynyń shet memlekettermen baılanys boıynsha prezıdıým tóraǵasynyń orynbasary, 1984 jyly prezıdıým tóraǵasy bolǵan. 5 jyldan soń Qazaq KSR syrtqy ister mınıstri laýazymyna taǵaıyndalady.
1991 jyldyń jeltoqsanynan 1992 jyldyń sáýirine deıin A.Arystanbekova Birikken Ulttar Uıymy janyndaǵy Reseı Federaııasy Úkimetiniń aǵa keńesshisi – Qazaqstan Respýblıkasynyń ókili bolady. Táýelsizdik alǵannan keıin 1992 jyldyń 15 sáýirinde QR birinshi prezıdenti Nursultan Nazarbaev Arystanbekovany BUU janyndaǵy Qazaqstan Respýblıkasynyń turaqty Ókili retinde taǵaıyndaıdy. Bul laýazymdy Aqmaral Arystanbekova 1999 jylǵa deıin atqarady.
1996 jyldan bastap Aqmaral Arystanbekova Tótenshe jáne Ókiletti Elshi laýazymyndaǵy qyzmet joly jalǵasyn tabady. Keıinnen sol jyldyń qazanynan bastap, Qazaqstan Kýba Respýblıkasyndaǵy Tótenshe jáne Ókiletti Elshisi bolady. Al 1999 jyldan 2003 jylǵa deıin Qazaqstan Respýblıkasynyń Franııa Respýblıkasyndaǵy Tótenshe jáne Ókiletti Elshisi bolyp, sondaı-aq Qazaqstan Respýblıkasynyń IýNESKO-daǵy Turaqty Ókili laýazymyn qatar atqarady.
Búginde qazaq tarıhynda esimi altyn áriptermen jazylǵan uly áıel 76 jasqa tolyp otyr.
