Qazaqstan 2027–2030 jyldarǧa arnalǧan kezeŋge BŪŪ Statistikalyq komissiiasy qūramyna müşe bolyp sailandy, dep habarlaidy "Adyrna" ūlttyq portaly.
Būl turaly ūlttyq statistika biurosynyŋ baspasöz qyzmetı habarlady.
Şeşım BŪŪ Ekonomikalyq jäne äleumettık keŋesı aiasynda qabyldanǧan. Dauys beru prosesıne 54 memleket qatysty.
Qazaqstan komissiia qūramyna Singapur jäne Moŋǧoliia elderımen bırge Aziia-Tynyq mūhity öŋırlık toby ūsynǧan bıryŋǧai kelısılgen tızım arqyly endı.
Ūlttyq statistika biurosynyŋ mälımetınşe, būl taǧaiyndau öŋır elderınıŋ qoldauynyŋ nätijesınde jüzege asqan. Qazaqstannyŋ komissiia qūramyna enuı halyqaralyq qauymdastyqtyŋ joǧary senımın bıldırıp, eldıŋ jahandyq statistikalyq jüienı damytudaǧy belsendı rölın körsetedı.
Sondai-aq, komissiia jūmysyna qatysu Qazaqstanǧa halyqaralyq statistikalyq standarttardy qalyptastyruǧa jäne tūraqty damu men derekterdı sifrlandyru baǧytyndaǧy bastamalardy ılgerıletuge mümkındık beredı.
