Seısenbi, 9 shildede BUU Qaýipsizdik Keńesiniń shuǵyl otyrysyna qatysýshylardyń kópshiligi Reseıdiń Kıevtegi balalar aýrýhanasyna jasaǵan zymyrandyq shabýylyn qatań aıyptady. Sondaı-aq, bul shabýyl úshin jaýapkershilikti Ýkraınaǵa aýdarýǵa tyrysqan Máskeýdi synǵa aldy, dep habarlaıdy "Adyrna" ulttyq portaly.
"Aýrýhanaǵa qasaqana shabýyl jasaý áskerı qylmys bolyp tabylady jáne kináliler jaýapqa tartylýy kerek. Bul oqıǵalar Ýkraınanyń densaýlyq saqtaý salasyna jáne basqa da azamattyq ınfraqurylymǵa zııanyn tıgizetin "júıeli shabýyldardyń" asa alańdatarlyq jaıttardyń bóligi bolyp tabylady", - dedi BUU-nyń Gýmanıtarlyq máseleler jónindegi bas hatshysynyń mindetin atqarýshy Djoıs Msýıa.
BUU elshisi Reseıdiń jasaǵan áreketi jan túrshiktiretinin jáne Keńes jıynyń tikeleı osy oqıǵaǵa qatysty bolyp jatqanyn atady.
«Biz búgin osynda otyrmyz, óıtkeni Reseı, Qaýipsizdik Keńesiniń turaqty múshesi, sondaı-aq Qaýipsizdik Keńesiniń qazirgi prezıdenti balalar aýrýhanasyna shabýyl jasady jáne men muny aıtqan saıyn denem túrshigedi», - dedi AQSh-tyń BUU-daǵy elshisi Lında Tomas - Grınfıld.
Brıtandyq Barbara Výdvord Reseıdiń shabýyldary «Qaýipsizdik keńesi úshin masqara jaǵdaı» dep qosty. Franýz ókili Ohmatdet aýrýhanasyna jasalǵan shabýyldy «áskerı qylmystar tizimindegi taǵy bir jazba» dep atap, osy úshin Reseı jaýapqa tartylýy tıis ekenin aıtty.
Al Qytaıdyń BUU janyndaǵy turaqty ókiliniń orynbasary Gen Shýan Máskeýdi tikeleı aıyptaǵan joq.
"Ókinishke qaraı, shaıqas sońǵy ýaqytta báseńdep jatqan joq, kerisinshe oqtyn-oqtyn kúsheıip, kóp shyǵynǵa ushyrap, qatygezdikke ulasyp barady. Qytaı bul úshin qatty alańdaýly", - dedi Gen.
Dese de, Reseı Federaııasynyń BUU janyndaǵy turaqty ókili Vasılıı Nebenzıa «Reseı Ýkraınadaǵy azamattyq nysandarǵa shabýyl jasamaıdy» dep aqtalýǵa tyrysty. Onyń aıtýynsha, Kıevke jasalǵan shabýyldyń negizgi nysanasy Artıom atyndaǵy Kıev zaýyty bolǵan, al Ohmatdet aýrýhanasy ýkraındyq áýe qorǵanysynyń zymyranymen atylǵan. Alaıda, reseılik ókil Nebenzıa bul nusqaǵa eshqandaı dálel keltirmedi.
Ýkraınanyń BUU janyndaǵy turaqty ókili Sergeı Kıslıa kezdesýge qatysýshylarǵa zymyrannyń aýrýhanaǵa qaraı ushyp bara jatqanyn jáne onyń traektorııasyn kórsetetin fotosýretterdi kórsetti.
