19 qaraşada Memleket basşysy Qasym-Jomart Toqaev sybailas jemqorlyqqa qatysy bar tūlǧalarǧa eşqandai jeŋıldık jasalmauy kerektıgın aitty, dep habarlaidy “Adyrna”.
Onyŋ aituynşa, kınäsı däleldengen ärbır adam zaŋda közdelgen jauapkerşılıkten jaltarmauy tiıs.
Prezident III Strategiialyq ärıptester forumynda söilegen sözınde Qazaqstan senımdı serıktes retınde «Zaŋ men tärtıp» konstitusiialyq qaǧidaty tūraqty, boljamdy ärı aşyq ortanyŋ berık negızıne ainaluy üşın barlyq qajettı jaǧdaidy jasaitynyn atap öttı.
Memleket basşysynyŋ aituynşa, «Zaŋ men tärtıp» – memlekettık saiasattyŋ jai ǧana bır baǧyty emes, Ädılettı Qazaqstandy qūruǧa baǧyttalǧan saiasatynyŋ negızgı tıregı. Sondai-aq elımızdegı auqymdy saiasi jäne äleumettık-ekonomikalyq reformalar osy qaǧidatqa negızdelgen.
Qasym-Jomart Toqaev Konstitusiiada zaŋ üstemdıgı men azamattardyŋ zaŋ aldyndaǧy teŋdıgı bekıtılgenın eske saldy.
Prezident sybailas jemqorlyqtyŋ memleketke degen halyq senımın älsıretıp, eldıŋ sapaly damuyna kedergı keltıretının aitty. Onyŋ sözınşe, mūndai äreketter jürgızılıp jatqan reformalardyŋ nätijesıne de kerı äser etedı.
«Kınäsı däleldengen eşkım zaŋda közdelgen jauapkerşılıkten jaltarmauy tiıs. Zaŋ bärıne ortaq. Būl – aksioma», – dedı Memleket basşysy.
Toqaevtyŋ pıkırınşe, zaŋ talaptaryn barşaǧa bırdei qoldanu reformalardyŋ qaitymsyzdyǧyn qamtamasyz etıp, azamattardyŋ senımın aqtauǧa mümkındık beredı.
Sifrlandyrudyŋ jaŋa kezeŋı: Qazaqstan mektepterındegı bılım berude jasandy intellekt basym baǧytqa ainaluda
