Qazaqstan prezıdenti Qasym-Jomart Toqaev Ujymdyq qaýipsizdik týraly shart uıymy Ujymdyq qaýipsizdik keńesiniń kezekten tys sessııasyna qatysty. Bul týraly Aqorda málimdedi, dep habarlaıdy “Adyrna” ulttyq portaly.
Armenııa Respýblıkasynyń usynysymen ótken otyrys beıne baılanys rejıminde ótti.
Sonymen qatar sammıtke Qyrǵyzstan prezıdenti Sadyr Japarov, Reseı prezıdenti Vladımır Pýtın, Tájikstan premer-mınıstri Kohır Rasýlzoda, Armenııa premer-mınıstri Nıkol Pashınıan, Belarýs Qaýipsizdik Keńesiniń memlekettik hatshysy Aleksandr Volfovıch, UQShU bas hatshysynyń orynbasary Valerıı Semerıkov qatysty.
Memleketter basshylary ázerbaıjan-armıan memlekettik shekarasynda bolǵan oqıǵalarǵa qatysty Armenııa premer-mınıstriniń málimetin tyńdady.
Qazaqstan prezıdenti sessııaǵa qatysýshylar aldynda sóılegen sózinde qaqtyǵysty tek saıası-dıplomatııalyq joldarmen sheshý qajet ekenin atap ótti.
Qasym-Jomart Toqaev jaǵdaıdy turaqtandyrý úshin múmkin bolǵan barlyq sharany qabyldaýǵa, kúshtik qurylymdardy paıdalanýdan bas tartýǵa, shuǵyl túrde kelissóz júrgizýge shaqyrdy.
”Adyrna” ulttyq portaly
