Memleket basşysy Qasym-Jomart Toqaev konstitusiialyq reformaǧa qatysty tüsıp jatqan ūsynystarmen tanysty. Būl turaly Aqorda jazdy, dep habarlaidy “Adyrna”.
Qasym-Jomart Toqaev Memlekettık keŋesşı Erlan Qarinmen jäne Prezidenttıŋ qūqyqtyq mäseleler jönındegı kömekşısı Erjan Jienbaevpen Parlamenttık reforma boiynşa kezektı jūmys keŋesın ötkızdı.
Erlan Qarin Memleket basşysyna Jūmys tobynyŋ 9 qaŋtarda ötken otyrysynda bolaşaq bır palataly Parlamenttıŋ märtebesın, ökılettıkterı men funksiialaryn anyqtauǧa, sondai-aq bilıktıŋ basqa da tarmaqtarymen özara ıs-qimylyna qatysty täsılder äzırlengenın aitty.
15 qaŋtarǧa josparlanǧan kelesı otyrysta jaŋa Parlamenttıŋ basty memlekettık instituttardyŋ qyzmetın qamtamasyz etu ökılettıkterı talqylanady. Erjan Jienbaev Memleket basşysyn konstitusiialyq reformaǧa qatysty Jūmys toby müşelerı men jūrtşylyqtan kelıp tüsken jaŋa ūsynystarmen tanystyrdy. Prezident barlyq pıkır men bastamany eskeru qajet ekenın atap öttı.
Sondai-aq konstitusiialyq reforma boiynşa tüpkılıktı şeşımdı el azamattary jalpyūlttyq referendumda qabyldaitynyn mälımdedı. Sonymen qatar kezdesude Ūlttyq qūryltaidyŋ Qyzylorda qalasynda ötetın besınşı otyrysyna daiyndyq mäselesı qaraldy.
Memleket basşysy Qūryltai otyrysyn ötkızudı osy jyldyŋ 20 qaŋtaryna belgılep, aldaǧy maŋyzdy ıs-şarany ūiymdastyru jäne oǧan tyŋǧylyqty äzırlenu jönınde naqty tapsyrma berdı.
