Shymkentte 84 myń dollardan astam jalǵan aqshany jumsamaq bolǵan aqsha jasaýshylar ustaldy, dep habarlaıdy "Adyrna" ulttyq portaly Qarjy monıtorıngi agenttiginiń (QMA) baspasóz qyzmetine siltep.
«Shymkent qalasy boıynsha QMA departamenti jalǵan shetel valıýtasyn satýmen aınalysqan jalǵan aqsha jasaýshylardyń zańsyz áreketiniń jolyn kesti. Keshendi jedel-izdestirý is-sharalarynyń nátıjesinde bir top adam 84 200 AQSh dollary kóleminde jalǵan aqsha satqany úshin áshkerelenip, kúdiktiler ustalyp, sottyń sankııasymen «eki aıǵa qamaý» túrindegi bultartpaý sharasy qoldanyldy», - delingen habarlamada.
QMA buǵan deıin Qyrǵyzstannyń Ulttyq qaýipsizdik memlekettik komıteti (UQK) Qyrǵyzstan men Qazaqstanda jalǵan 100 dollarlyq banknottardy satqan transulttyq uıymdasqan qylmystyq topty anyqtap, qyzmetin toqtatqanyn aıtqan bolatyn.
