Şymkent qalasyndaǧy M.Äuezov atyndaǧy Oŋtüstık Qazaqstan universitetınde Qazaqstan jäne Özbekstan arasyndaǧy diplomatiialyq bailanystyŋ 30 jyldyǧyna orai «Şynaiy bauyrlastyqqa negızdelgen dostyq pen tuystyq diplomatiiasy» taqyrybynda halyqaralyq konferensiia öttı. Būl turaly Şymkent qalasy äkımınıŋ bırınşı orynbasary Şyŋǧys Mūqan Facebook paraqşasynda jariialady, dep habarlaidy “Adyrna” ūlttyq portaly.
Ötkızılgen ıs- şaranyŋ maqsaty – Qazaqstan halqy Assambleiasy men Özbekstan Respublikasy Ministrler kabinetı janyndaǧy ūltaralyq qatynastar jäne şet eldermen dostyq bailanystar komitetı arasynda tüzılgen memorandum aiasynda bauyrlas elder arasyndaǧy özara yntymaqtastyqty arttyru jäne bırlesken mädeni jobalardy ıske asyru.
Al jiynǧa Qazaqstan halqy Assambleiasy töraǧasynyŋ orynbasary Taufik Karimov, QR Aqparat jäne qoǧamdyq damu ministrlıgı etnosaralyq qatynastardy damytu komitetı töraǧasynyŋ orynbasary Erkın Üisımbaev arnaiy keldı.
Sonymen qatar, Özbekstannyŋ Ministrler kabinetı janyndaǧy etnosaralyq qatynastar jäne şet eldermen dostyq bailanystar komitetı töraǧasynyŋ orynbasary Zafar Şafkatovich Ahmedov bastaǧan 14 özbekstandyq delegasiia müşelerı kelıp qatysyp, mazmūndy baiandamalar jasady.
Būdan bölek, konferensiiaǧa Türkıstan men Jambyl oblystary jäne Şymkent qalasynan ziialy qauym ökılderı qatysty.
“Adyrna” ūlttyq portaly
