Aqtöbe qalasynyŋ jastar resurstyq ortalyǧynyŋ ūiymdastyruymen tehnikalyq jäne käsıptık bılım beru ūiymdary arasynda ötkızılgen «BEST IN AQTÓBE» reitingtık jobasynyŋ I mausymynyŋ qorytyndy marapattau räsımı öttı.Atalǧan joba Aqtöbe qalasynyŋ jastar resurstyq ortalyǧynyŋ bastamasymen qolǧa alynyp, qaladaǧy tehnikalyq jäne käsıptık bılım beru ūiymdary arasynan üzdıkterdı anyqtauǧa, kolledjderdegı jastar ısı jönındegı komitetterdıŋ jūmysyn jandandyruǧa jäne bılım beru ūiymdary arasynda salauatty bäsekelestık ortany qalyptastyruǧa baǧyttalǧan.
Jobanyŋ basty maqsaty – jastardyŋ qoǧamdyq belsendılıgın arttyru, olardyŋ bastamalaryna qoldau körsetu, şyǧarmaşylyq äleuetın damytu jäne kolledjder arasyndaǧy özara yntymaqtastyqty nyǧaitu.
Joba aiasynda är aiǧa arnaiy baǧyttar men taqyryptar belgılenıp, qatysuşy kolledjder sol baǧyttar boiynşa türlı ıs-şaralar men bastamalardy jüzege asyrdy. Atap aitqanda:Qaraşa – qaiyrymdylyq aiy; Jeltoqsan – ruh pen patriotizm aiy; Qaŋtar – jaŋaru men ideialar aiy; Aqpan – dostyq pen yntymaq aiy; Nauryz – mädeniet pen dästür aiy; Säuır – «Eko ai: Taza qala, taza sana»; Mamyr – jetıstıkterdı qorytyndylau jäne üzdıkterdı anyqtau aiy.
Joba barysynda kolledjderdıŋ atqarǧan jūmystary, qoǧamdyq belsendılıgı, ıs-şaralardy ūiymdastyru deŋgeiı, tyŋ bastamalary men jastardy ortaq ıske jūmyldyru qabıletı baǧalandy. Är baǧyt boiynşa arnaiy baldyq jüie engızılıp, qorytyndy reiting jinaqtalǧan ūpailar negızınde anyqtaldy. Bır mausymnyŋ özınde «BEST IN AQTÓBE» jobasy aiasynda kolledjder 300-den astam ıs-şara ūiymdastyrdy. Būl körsetkış bılım beru ūiymdarynyŋ qoǧamdyq jūmysqa belsendı aralasqanyn, jastardyŋ bastamaşyldyǧy men şyǧarmaşylyq äleuetınıŋ artqanyn aiqyn körsetedı.
Sonymen qatar joba üzdık täjıribelerdı köpşılıkke tanytuǧa, kolledjder arasyndaǧy täjıribe almasudy damytuǧa jäne jastardyŋ qoǧamdyq ömırge qatysuyn keŋeituge mümkındık berdı.
Joba qorytyndysy boiynşa belsendılık tanytyp, jastar bastamalaryn damytuǧa qosqan ülesı men qoǧamdyq jūmystardaǧy jetıstıkterı üşın bırqatar bılım beru ūiymdary marapattaldy.
Atap aitqanda: Aqtöbe kölık, bailanys jäne jaŋa tehnologiialar kolledjı; Aqtöbe önerkäsıptık tehnologiialar jäne basqaru kolledjı; Aqtöbe joǧary multiprofildık kolledjı; «ALT Aqtöbe gumanitarlyq-tehnikalyq kolledjı».
Sonymen qatar arnaiy nominasiialar boiynşa üzdıkter anyqtaldy. «Üzdık ūiymşyl komanda»nominasiiasynyŋ iegerı – Keŋes Odaǧynyŋ Batyry Mänşük Mämetova atyndaǧy Aqtöbe joǧary medisinalyq kolledjı, «Üzdık media»nominasiiasynyŋ iegerı – DÜNİE kolledjı. «BEST IN AQTÓBE» reitingtık jobasynyŋ üzdık bestıgıne engen bılım beru ūiymdary arasynda: «Üzdık joba»nominasiiasy – Eset batyr atyndaǧy olimpiada rezervınıŋ oblystyq mamandandyrylǧan mektep-internat-kolledjı; «Üzdık belsendı orta»nominasiiasy – Aqtöbe qūrylys-montaj kolledjı.
Jeke nominasiialar boiynşa da üzdıkter marapattaldy. «Üzdık student» nominasiiasynyŋ iegerı – Aqtöbe avtojol kolledjınıŋ studentıAbdrahman İslambek Temırbekūly, «Üzdık jastar ısı jönındegı komitet töraǧasy» nominasiiasynyŋ iegerı – Aqtöbe servis kolledjınıŋ jastar ısı jönındegı komitet töraǧasy Bekmūhambetova Botaköz Saǧynǧanqyzy.
Al tehnikalyq jäne käsıptık bılım beru ūiymdary arasynda ötken «BEST IN AQTÓBE» reitingtık jobasynyŋ I mausymyndaǧy eŋ joǧary marapat – «Üzdık kolledj» nominasiiasy Şyǧanaq Bersiev atyndaǧy Aqtöbe joǧary agrarlyq-tehnikalyq kolledjıne tabystaldy. Osylaişa, kolledj joba mausymynyŋ jeŋımpazy atandy.
«BEST IN AQTÓBE» jobasynyŋ alǧaşqy mausymy jastardyŋ belsendılıgın arttyruǧa, bılım beru ūiymdarynyŋ qoǧamdyq jūmystaryn jaŋa deŋgeige köteruge jäne kolledjder arasyndaǧy yntymaqtastyqty nyǧaituǧa baǧyttalǧan maŋyzdy bastama ekenın körsettı.
Aldaǧy uaqytta joba öz jalǧasyn tauyp, jaŋa ideialarmen, tyŋ bastamalarmen jäne jarqyn jetıstıktermen tolyǧa tüspek.
