Qauıpsız qoǧam — ortaq jauapkerşılık

Aqtöbede «Jastar jäne qauıpsız qoǧam» taqyrybynda jastarmen kezdesu öttı. «Zaŋ men tärtıp» ideologiiasy aiasynda ūiymdastyrylǧan şaranyŋ maqsaty — jastardyŋ qūqyqtyq mädenietın qalyptastyru, qūqyqbūzuşylyqtyŋ aldyn alu jäne qauıpsız qoǧam qūrudaǧy jauapkerşılıgın arttyru.
 
Kezdesude oblystyq polisiia departamentınıŋ kiberqylmysqa qarsy ıs-qimyl basqarmasynyŋ ökılı Berık Boranbaev internet-alaiaqtyqtyŋ keŋ taraǧan täsılderı men onyŋ zardaptary turaly aitty. Onyŋ sözınşe, alaiaqtar äleumettık jelılerde beinerolikterdı körıp, olarǧa lüpıl basu nemese telefon nömırlerın tırkeu arqyly oŋai tabys tabuǧa uäde beredı. Alaida mūndai ūsynystardyŋ artynda azamattardyŋ jeke derekterın iemdenu jäne olardy qylmystyq äreketterge tartu qaupı bar.
 
Spiker jastarǧa bank kartalary men şottaryn bögde adamdarǧa bermeudı, kümändı ūsynystarǧa senbeudı eskerttı. Äsırese dropperlık äreketterge qatysu azamatty zaŋ aldynda jauapkerşılıkke tartuy mümkın ekenın tüsındırdı. Mūndai jaǧdailarda adam özgenıŋ zaŋsyz qarjy operasiialaryna qatysyp qana qoimai, keltırılgen şyǧyndy öteuge de mındetteluı yqtimal.
 
Sondai-aq kezdesude sporttyŋ jastar tärbiesındegı rölı de söz boldy. Joǧarǧy sport şeberlıgı mektebınıŋ direktory, Qazaqstan Respublikasynyŋ eŋbek sıŋırgen sport şeberı Ruslan Ybyraev sport adamnyŋ boiynda tärtıptı, tabandylyqty jäne maqsatqa ūmtyludy qalyptastyratynyn atap öttı.
 
Onyŋ aituynşa, sportpen jüielı ainalysu jastardyŋ bos uaqytyn tiımdı ūiymdastyruǧa, terıs ädetterden aulaq boluǧa jäne ömırlık maqsatyn aiqyndauǧa kömektesedı. Sporttyq jetıstıkterge jetu üşın kün tärtıbın saqtap, jattyǧu men oqudy qatar alyp jüru qajet.
 
Basqosu barysynda özge de spikerler jastardyŋ qūqyqtyq sauatyn arttyru, qarjylyq qauıpsızdık jäne qoǧam aldyndaǧy jauapkerşılık mäselelerıne toqtaldy. Qatysuşylar özderın tolǧandyrǧan saualdaryn qoiyp, mamandardan jauap aldy.