اقتوبە قالاسىنىڭ جاستار رەسۋرستىق ورتالىعىنىڭ ۇيىمداستىرۋىمەن تەحنيكالىق جانە كاسىپتىك ءبىلىم بەرۋ ۇيىمدارى اراسىندا وتكىزىلگەن «BEST IN AQTÓBE» رەيتينگتىك جوباسىنىڭ ءى ماۋسىمىنىڭ قورىتىندى ماراپاتتاۋ ءراسىمى ءوتتى.اتالعان جوبا اقتوبە قالاسىنىڭ جاستار رەسۋرستىق ورتالىعىنىڭ باستاماسىمەن قولعا الىنىپ، قالاداعى تەحنيكالىق جانە كاسىپتىك ءبىلىم بەرۋ ۇيىمدارى اراسىنان ۇزدىكتەردى انىقتاۋعا، كوللەدجدەردەگى جاستار ءىسى جونىندەگى كوميتەتتەردىڭ جۇمىسىن جانداندىرۋعا جانە ءبىلىم بەرۋ ۇيىمدارى اراسىندا سالاۋاتتى باسەكەلەستىك ورتانى قالىپتاستىرۋعا باعىتتالعان.
جوبانىڭ باستى ماقساتى – جاستاردىڭ قوعامدىق بەلسەندىلىگىن ارتتىرۋ، ولاردىڭ باستامالارىنا قولداۋ كورسەتۋ، شىعارماشىلىق الەۋەتىن دامىتۋ جانە كوللەدجدەر اراسىنداعى ءوزارا ىنتىماقتاستىقتى نىعايتۋ.
جوبا اياسىندا ءار ايعا ارنايى باعىتتار مەن تاقىرىپتار بەلگىلەنىپ، قاتىسۋشى كوللەدجدەر سول باعىتتار بويىنشا ءتۇرلى ءىس-شارالار مەن باستامالاردى جۇزەگە اسىردى. اتاپ ايتقاندا:قاراشا – قايىرىمدىلىق ايى; جەلتوقسان – رۋح پەن پاتريوتيزم ايى; قاڭتار – جاڭارۋ مەن يدەيالار ايى; اقپان – دوستىق پەن ىنتىماق ايى; ناۋرىز – مادەنيەت پەن ءداستۇر ايى; ءساۋىر – «ەكو اي: تازا قالا، تازا سانا»; مامىر – جەتىستىكتەردى قورىتىندىلاۋ جانە ۇزدىكتەردى انىقتاۋ ايى.
جوبا بارىسىندا كوللەدجدەردىڭ اتقارعان جۇمىستارى، قوعامدىق بەلسەندىلىگى، ءىس-شارالاردى ۇيىمداستىرۋ دەڭگەيى، تىڭ باستامالارى مەن جاستاردى ورتاق ىسكە جۇمىلدىرۋ قابىلەتى باعالاندى. ءار باعىت بويىنشا ارنايى بالدىق جۇيە ەنگىزىلىپ، قورىتىندى رەيتينگ جيناقتالعان ۇپايلار نەگىزىندە انىقتالدى. ءبىر ماۋسىمنىڭ وزىندە «BEST IN AQTÓBE» جوباسى اياسىندا كوللەدجدەر 300-دەن استام ءىس-شارا ۇيىمداستىردى. بۇل كورسەتكىش ءبىلىم بەرۋ ۇيىمدارىنىڭ قوعامدىق جۇمىسقا بەلسەندى ارالاسقانىن، جاستاردىڭ باستاماشىلدىعى مەن شىعارماشىلىق الەۋەتىنىڭ ارتقانىن ايقىن كورسەتەدى.
سونىمەن قاتار جوبا ۇزدىك تاجىريبەلەردى كوپشىلىككە تانىتۋعا، كوللەدجدەر اراسىنداعى تاجىريبە الماسۋدى دامىتۋعا جانە جاستاردىڭ قوعامدىق ومىرگە قاتىسۋىن كەڭەيتۋگە مۇمكىندىك بەردى.
جوبا قورىتىندىسى بويىنشا بەلسەندىلىك تانىتىپ، جاستار باستامالارىن دامىتۋعا قوسقان ۇلەسى مەن قوعامدىق جۇمىستارداعى جەتىستىكتەرى ءۇشىن بىرقاتار ءبىلىم بەرۋ ۇيىمدارى ماراپاتتالدى.
اتاپ ايتقاندا: اقتوبە كولىك، بايلانىس جانە جاڭا تەحنولوگيالار كوللەدجى; اقتوبە ونەركاسىپتىك تەحنولوگيالار جانە باسقارۋ كوللەدجى; اقتوبە جوعارى مۋلتيپروفيلدىك كوللەدجى; «ALT اقتوبە گۋمانيتارلىق-تەحنيكالىق كوللەدجى».
سونىمەن قاتار ارنايى نوميناتسيالار بويىنشا ۇزدىكتەر انىقتالدى. «ۇزدىك ۇيىمشىل كوماندا»نوميناتسياسىنىڭ يەگەرى – كەڭەس وداعىنىڭ باتىرى مانشۇك مامەتوۆا اتىنداعى اقتوبە جوعارى مەديتسينالىق كوللەدجى، «ۇزدىك مەديا»نوميناتسياسىنىڭ يەگەرى – دۇنيە كوللەدجى. «BEST IN AQTÓBE» رەيتينگتىك جوباسىنىڭ ۇزدىك بەستىگىنە ەنگەن ءبىلىم بەرۋ ۇيىمدارى اراسىندا: «ۇزدىك جوبا»نوميناتسياسى – ەسەت باتىر اتىنداعى وليمپيادا رەزەرۆىنىڭ وبلىستىق مامانداندىرىلعان مەكتەپ-ينتەرنات-كوللەدجى; «ۇزدىك بەلسەندى ورتا»نوميناتسياسى – اقتوبە قۇرىلىس-مونتاج كوللەدجى.
جەكە نوميناتسيالار بويىنشا دا ۇزدىكتەر ماراپاتتالدى. «ۇزدىك ستۋدەنت» نوميناتسياسىنىڭ يەگەرى – اقتوبە اۆتوجول كوللەدجىنىڭ ستۋدەنتىابدراحمان يسلامبەك تەمىربەكۇلى، «ۇزدىك جاستار ءىسى جونىندەگى كوميتەت توراعاسى» نوميناتسياسىنىڭ يەگەرى – اقتوبە سەرۆيس كوللەدجىنىڭ جاستار ءىسى جونىندەگى كوميتەت توراعاسى بەكمۇحامبەتوۆا بوتاكوز ساعىنعانقىزى.
ال تەحنيكالىق جانە كاسىپتىك ءبىلىم بەرۋ ۇيىمدارى اراسىندا وتكەن «BEST IN AQTÓBE» رەيتينگتىك جوباسىنىڭ ءى ماۋسىمىنداعى ەڭ جوعارى ماراپات – «ۇزدىك كوللەدج» نوميناتسياسى شىعاناق بەرسيەۆ اتىنداعى اقتوبە جوعارى اگرارلىق-تەحنيكالىق كوللەدجىنە تابىستالدى. وسىلايشا، كوللەدج جوبا ماۋسىمىنىڭ جەڭىمپازى اتاندى.
«BEST IN AQTÓBE» جوباسىنىڭ العاشقى ماۋسىمى جاستاردىڭ بەلسەندىلىگىن ارتتىرۋعا، ءبىلىم بەرۋ ۇيىمدارىنىڭ قوعامدىق جۇمىستارىن جاڭا دەڭگەيگە كوتەرۋگە جانە كوللەدجدەر اراسىنداعى ىنتىماقتاستىقتى نىعايتۋعا باعىتتالعان ماڭىزدى باستاما ەكەنىن كورسەتتى.
الداعى ۋاقىتتا جوبا ءوز جالعاسىن تاۋىپ، جاڭا يدەيالارمەن، تىڭ باستامالارمەن جانە جارقىن جەتىستىكتەرمەن تولىعا تۇسپەك.
