Aqtóbelik qutqarýshylar naýqasty aýrýhanaǵa jetkizý úshin aqtútek boranda 18 shaqyrym jaıaý júrgen. Bul týraly oblystyq tótenshe jaǵdaılar departamenti aıtty, dep habarlaıdy «Adyrna» tilshisi.
Qutqarýshylardyń biri, qaraýyl bastyǵy Aqdáýlet Álıdiń málimdeýinshe, medıınalyq kómek Muǵaljar aýdany Basshıli aýylynyń 73 jastaǵy turǵynyna qajet bolǵan .
«Qandyaǵash qalasyndaǵy bólimge Eńbek aýyldyq okrýgi, Basshıli eldi mekeninde 73 jastaǵy áıel adamnyń aýyr halde jatqany týraly habarlama tústi. Ony aýdandyq aýrýhanaǵa jetkizý kerek boldy. Trekolmen shyqtyq. Aýa raıynyń qolaısyzdyǵynan kólik aldyna eki adamnan kezektesip shyǵyp, júgirip otyrýǵa týra keldi. Óıtkeni, qarǵa adym jerdi kórý múmkin emes edi. Mundaı jaǵdaılar bolyp turady. Erlik jasadyq dep aıta almaımyn. Bul bizdiń mindetimiz»,—dedi ol.
Qutqarýshylar bir baǵyttyń ózine 3 saǵattan astam júrgen. Olar kezektesip, bir jarym shaqyrym saıyn aýysyp otyrǵan. Osylaısha, naýqasty aman-esen Qandyaǵash qalasyndaǵy aýrýhanaǵa jetkizdi.
<
