Aqtóbede birinshi synypqa baratyn 42 oqýshyǵa mantýdyń ornyna týberkýlezge qarsy tiri vakınany salyp jibergen. Bul qatelikti ata-analar eki apta ótken soń bir-aq bilgen, dep habarlaıdy “Adyrna” ulttyq portaly "Astana" telearnasyna siltep.
Telearna málimetinshe, №74 orta mekteptiń 42 oqýshysynyń jaqyndary jaýapsyz medıına qyzmetkerlerin jaýapqa tartýdy talap etip otyr. Al ata-analardyń aıtýynsha, balalardyń kópshiligi ózderin jaısyz sezinedi. Ekpe salǵan jer qatty isip, irińdegen. Tipti qoldaryn kótere almaı qalǵandary da bolypty. Anyqtaı kele, balalarǵa mantýdyń ornyna ıyqqa salatyn tiri vakına egilgeni anyqtalǵan.
"Jıvaıa" vakına engizilip ketken. Ol aǵzadaǵy barlyq jasýshany oıatady deıdi. Endi bastalyp jatyr. Proess júrip jatyr. Mine, eki jetiden asyp ketti. Bala qolyn kótere almaıdy. Bezderi shoshynǵan. Ózimen ózi jata beredi. Álsizdik paıda boldy", - deıdi ata-ana Raýshan Isaeva.
Medıına qyzmetkerleri ata-analardan alty aıdy kútýdi suraǵan. Sol kezde vakına kúshi joıylatyn kórinedi.
"Qutynyń syrtynda jazylyp turady eken bári. Túsi de basqa bolady. Sonda qalaı shatastyrǵan? Túk túsiniksiz. Bilek terisi óte juqa. Aǵzaǵa vakına túsip úlgerdi. Olar bizge 6 aı kútýdi suraıdy. Kútip otyratyn bolsań, eshkim kepildik bermeıdi. Múgedektikke alyp kelýi múmkin", - deıdi taǵy bir ata-ana Shynar Bekbolatqyzy.
Vakınany shatasyp salǵan medıına qyzmetkerleri jeke klınıkanyń mamandary kórinedi. Olar memlekettik tapsyrys boıynsha qyzmet kórsetken. Osyndaı jaǵdaıdan keıin dáriger de, medbıke de jumystan bosatylǵan. Prokýratýra tekseris júrgizip jatyr.
"Qatelikti jibergen - medıına qyzmetkerleri. Olar óz qatelikterin moıyndap otyr. Endi 42 bala osyndaı jaǵdaı bolǵan soń, ne bolatynyn eshkim aıta almaıdy. Tek qana bizdiń ózimiz aıtatynymyz, basqa jerge salynyp, tehnıkalyq aqaý ketkeni ras", - Aqtóbe oblystyq DSB basshysynyń orynbasary Baqytjan Túlkibaeva.
”Adyrna” ulttyq portaly
