Aqtöbede bırınşı synypqa baratyn 42 oquşyǧa mantudyŋ ornyna tuberkulezge qarsy tırı vaksinany salyp jıbergen. Būl qatelıktı ata-analar ekı apta ötken soŋ bır-aq bılgen, dep habarlaidy “Adyrna” ūlttyq portaly "Astana" telearnasyna sıltep.
Telearna mälımetınşe, №74 orta mekteptıŋ 42 oquşysynyŋ jaqyndary jauapsyz medisina qyzmetkerlerın jauapqa tartudy talap etıp otyr. Al ata-analardyŋ aituynşa, balalardyŋ köpşılıgı özderın jaisyz sezınedı. Ekpe salǧan jer qatty ısıp, ırıŋdegen. Tıptı qoldaryn kötere almai qalǧandary da bolypty. Anyqtai kele, balalarǧa mantudyŋ ornyna iyqqa salatyn tırı vaksina egılgenı anyqtalǧan.
"Jivaia" vaksina engızılıp ketken. Ol aǧzadaǧy barlyq jasuşany oiatady deidı. Endı bastalyp jatyr. Prosess jürıp jatyr. Mıne, ekı jetıden asyp kettı. Bala qolyn kötere almaidy. Bezderı şoşynǧan. Özımen özı jata beredı. Älsızdık paida boldy", - deidı ata-ana Rauşan İsaeva.Medisina qyzmetkerlerı ata-analardan alty aidy kütudı sūraǧan. Sol kezde vaksina küşı joiylatyn körınedı.
"Qūtynyŋ syrtynda jazylyp tūrady eken bärı. Tüsı de basqa bolady. Sonda qalai şatastyrǧan? Tük tüsınıksız. Bılek terısı öte jūqa. Aǧzaǧa vaksina tüsıp ülgerdı. Olar bızge 6 ai kütudı sūraidy. Kütıp otyratyn bolsaŋ, eşkım kepıldık bermeidı. Mügedektıkke alyp keluı mümkın", - deidı taǧy bır ata-ana Şynar Bekbolatqyzy.Vaksinany şatasyp salǧan medisina qyzmetkerlerı jeke klinikanyŋ mamandary körınedı. Olar memlekettık tapsyrys boiynşa qyzmet körsetken. Osyndai jaǧdaidan keiın därıger de, medbike de jūmystan bosatylǧan. Prokuratura tekserıs jürgızıp jatyr.
"Qatelıktı jıbergen - medisina qyzmetkerlerı. Olar öz qatelıkterın moiyndap otyr. Endı 42 bala osyndai jaǧdai bolǧan soŋ, ne bolatynyn eşkım aita almaidy. Tek qana bızdıŋ özımız aitatynymyz, basqa jerge salynyp, tehnikalyq aqau ketkenı ras", - Aqtöbe oblystyq DSB basşysynyŋ orynbasary Baqytjan Tülkıbaeva.
”Adyrna” ūlttyq portaly
Ūqsas jaŋalyqtar
