Aqtöbede asih-auruhanaǧa mäjbürlı türde jatqyzylǧan bes balanyŋ anasyna qatysty saraptama nätijesı şyqty. Būl turaly äleumettık jelıde belsendı Aqmaral Basirova jazdy, dep habarlaidy "Adyrna".
Onyŋ aituynşa, köpbalaly ana turaly aqparat soŋǧy künderı qoǧamda ülken rezonans tudyrǧan.
"Bız basynan bastap oǧan qoiylǧan diagnozben kelıspegenbız. Sebebı Jūldyzdy psihiatriialyq auruhanaǧa jalǧan aqparat negızınde, tuysy – öz äpkesınıŋ aryzy arqyly jatqyzǧan. Būl jaǧdai anany tereŋ küizelıske tüsırıp, balalaryna da auyr soqqy boldy. Alaida şyndyq tübınde aşylatynyna bız sendık!!! Jaqynda Jūldyz hanym Almaty qalasyndaǧy Respublikalyq psihikalyq densaulyq ortalyǧyna jıberıldı. On kün boiy psihologtar, professorlar, dosentter jäne kafedra meŋgeruşılerı käsıbi türde keşendı tekserıs jürgızdı", – deidı belsendı.
24 mamannan qūralǧan konsilium Jūldyzdyŋ jaǧdaiyn qarap, qorytyndy jasaǧan.
"Tolyqtai sau degen! Būl saraptama" - şyndyqty qalpyna keltıru jolyndaǧy maŋyzdy qadam, - dedı ol.
Belsendı būl jaitqa bailanysty ädıldıktı talap ettı.
Eske salaiyq, būǧan deiın Aqtöbe qalasynda bes bala ündeu jasap kömek sūraǧan bolatyn. Sol sätte bır üidıŋ bes balasy Aqtöbe qalasyndaǧy “Aiala” balalar ortalyǧynda tūryp jatqan edı. Sebebı olardyŋ sözınşe, analaryn tuysqan apalary psih-auruhanaǧa mäjbürlep aparyp tastaǧan.
