İrannyŋ joǧarǧy köşbasşysy Modjtaba Hamenei elge qarsylastar tarapynan tönuı mümkın kez kelgen qauıpke onyŋ sipaty men geografiialyq ornalasuyna qaramastan, dereu ärı tiımdı jauap berudı tapsyrdy. Būl turaly ol İran qaruly küşterınıŋ joǧary qolbasşylyq qūramymen kezdesude mälımdedı, dep habarlaidy «Adyrna» tılşısı Tasnim-ge sılteme jasap.
Hamenei auqymdy qarsylasuǧa daiyn boludy qarsylasty barynşa tejeudıŋ negızgı şarttarynyŋ bırı dep atady. Onyŋ aituynşa, äskeri nemese terroristık şabuyldar qaita bastalǧan jaǧdaida, qaqtyǧystyŋ qaşan jäne qandai şarttarmen aiaqtalatynyn İran men onyŋ qaruly küşterı aiqyndaidy.
Sondai-aq köşbasşy äleuettı nysandar tızımın jaŋartudy tapsyrdy. Būl İran äskerıne özı «amerikalyq-sionistık jau» dep ataǧan qarsylastarynyŋ materialdyq jäne materialdyq emes aktivterıne soqqy beruge mümkındık beruı tiıs.
Hameneidıŋ aituynşa, äskeri barlau jüiesın jetıldıru, otandyq qorǧanys tehnologiialaryn damytu, taktika men äskeri doktrinany jaŋartu, sondai-aq zamanaui tehnologiialardy paidalanu arqyly barlau jäne jauyngerlık mümkındıkterdı nyǧaitu da basym baǧyttardyŋ qatarynda.
Kezdesu barysynda İran qaruly küşterı Bas ştabynyŋ bastyǧy Äli Abdollahi, armiia qolbasşysy Ämır Hatami jäne İslam revoliusiiasy saqşylar korpusynyŋ basşysy Ahmad Vahidi äskerdıŋ Parsy şyǧanaǧy jaǧalauynda, Ormūz būǧazy men Oman şyǧanaǧy maŋynda, sondai-aq eldıŋ soltüstık-batys jäne oŋtüstık-şyǧys şekaralarynda jauyngerlık daiyndyqta tūrǧany turaly baiandady. Olardyŋ mälımetınşe, oq-därılerdıŋ, barlau qūraldarynyŋ, qosalqy jäne jauyngerlık qaru-jaraqtyŋ ärtürlı türlerın öndıru kölemı bırneşe ese artqan.
Hamenei äskeri qyzmetkerlerge, polisiiaǧa, «Basidj» küşterıne jäne Qorǧanys ministrlıgınıŋ qyzmetkerlerıne atqarǧan jūmysy üşın alǧys bıldırdı. Sonymen qatar ol İran men aimaqtaǧy odaqtas küşter arasyndaǧy üilestırudıŋ strategiialyq maŋyzyn atap öttı. Onyŋ sözınşe, türlı baǧyttaǧy özara ıs-qimyl Batys Aziiadaǧy jaŋa saiasi jäne qauıpsızdık tärtıbınıŋ qalyptasuyna yqpal etedı.
Kaspii teŋızı jaǧalauyndaǧy Qazaqstan, Äzerbaijan jäne Türkımenstan tärızdı elderde İran özıne qarsylas köretın Amerikanyŋ kompaniialary jūmys ısteidı. Olardyŋ denı - mūnai-gaz salasyndaǧy tanymal kompaniialar.
