Syrtqy ıster ministrlıgınıŋ resmi ökılı Erlan Jetıbaev soŋǧy qaiǧyly oqiǧalar saldarynan beibıt tūrǧyndardyŋ, onyŋ ışınde balalardyŋ, sondai-aq İslam Respublikasynyŋ joǧary basşylyǧy ökılderınıŋ qaza boluyna bailanysty İran halqyna köŋıl aitty, dep habarlaidy «Adyrna» tılşısı.
"Soŋǧy qaiǧyly oqiǧalar saldarynan beibıt tūrǧyndardyŋ, onyŋ ışınde balalardyŋ, sondai-aq İslam Respublikasynyŋ joǧary basşylyǧy ökılderınıŋ qaza boluyna bailanysty İran halqyna qaiǧyryp köŋıl aitamyz", - delıngen osyǧan orai ministrlıktıŋ resmi ökılı Erlan Jetıbaevtyŋ atynan jariialanǧan mälımdemede.
«Qazaqstan dostyq pen jan-jaqty yntymaqtastyq qatynastaryn däiektı türde damytyp kele jatqan jäne İranǧa qarsy soǧysqa qatyspaityn arab memleketterınıŋ azamattyq nysandaryna jasalǧan soqqylarǧa bailanysty ökınış bıldıredı. Halyqaralyq gumanitarlyq qūqyq normalaryn saqtau qaruly qaqtyǧystar kezınde azamattyq nysandar men beibıt halyqty erekşe qorǧaudy talap etedı. Qazaqstan Halyqaralyq gumanitarlyq qūqyqqa saiasi beiıldılıktı küşeitu jönındegı jahandyq bastamany ūsynuşylardyŋ bırı retınde qaruly qaqtyǧystar jaǧdaiynda adamgerşılıktı saqtaudyŋ maŋyzdylyǧyn atap ötedı»,- degen resmi ökıl.
Ministrlık ökılı elımızdıŋ halyqaralyq arenadaǧy tūraqtylyq pen qauıpsızdık mäselesıne qatysty ūstanymyn taǧy da naqtylady.
«Qazaqstan halyqaralyq daular men qaqtyǧystardy halyqaralyq qūqyq normalary men BŪŪ Jarǧysyn qataŋ saqtai otyryp, tek saiasi-diplomatiialyq jolmen retteu qajettıgı jönındegı özınıŋ qaǧidatty ūstanymynyŋ özgermeitının rastaidy. Öŋırdegı zorlyq-zombylyqtyŋ odan ärı uşyǧuyna jol bermeu maqsatynda barlyq taraptardy barynşa ūstamdylyq pen jauapkerşılık tanytuǧa şaqyramyz», - dep tüiındedı Jetıbaev mälımdemesın.
