Elde jemqorlyqtan tüsken aqşaǧa mektep salynyp jatyr

195
Adyrna.kz Telegram
https://adyrna.kz/storage/uploads/HaA4hKSCe2ELQYh4dq3HxmyRnuytReggvpxBgrGJ.webp

Elde jemqorlyqqa qatysy bar tūlǧalardan tärkılengen qarjydan 90 mektep qarjylandyrylǧan, dep habarlaidy “Adyrna”. 

Onyŋ 83-ı paidalanuǧa berıldı.

Oqu-aǧartu vise-ministrı Jaiyq Şarabasovtyŋ mälımetınşe, Memleket basşysynyŋ tapsyrmasymen 2023 jyly arnaiy qor qūrylǧan. Tärkılengen qarajat osy qorǧa audarylyp, bılım beru nysandaryn saluǧa jäne jöndeuge baǧyttalady.

«Qorǧa osy uaqytqa deiın şamamen 159 milliard teŋge jinaldy. Būl qarajat esebınen 100 myŋǧa juyq oquşyǧa arnalǧan 90 bılım beru nysanynyŋ qūrylysy qarjylandyryldy. Onyŋ 83-ı paidalanuǧa berıldı. Qalǧan jetı nysannyŋ qūrylysyn jyl soŋyna deiın aiaqtau josparlanyp otyr. Jalpy, soŋǧy jetı jylda Qazaqstanda 1 million oquşyǧa arnalǧan 1300-den astam orta bılım beru ūiymy salyndy», – dedı vise-ministr.

Onyŋ aituynşa, qabyldanǧan şaralardyŋ nätijesınde üş auysymda bılım beretın mektepterdıŋ sany bes ese azaiǧan.

Soǧan qaramastan, elımızde jaŋa mektepter salu jūmystary jalǧasady. Oqu-aǧartu ministrlıgınıŋ boljamynşa, aldaǧy uaqytta tuu körsetkışınıŋ ösuıne bailanysty oquşy oryndaryna degen qajettılık artady. Sondyqtan ministrlık bos oryndardyŋ artyq boluynan görı, qazırgı tapşylyqty azaituǧa basymdyq berıp otyr.

Sonymen qatar apatty jaǧdaidaǧy mektepterdıŋ sany ekı ese qysqarǧanymen, elımızde älı de 27 osyndai bılım beru mekemesı bar.

Oqu-aǧartu ministrlıgı investisiialyq saiasat jäne infraqūrylymdy damytu departamentınıŋ direktory Aiqoja Äbsadyqovtyŋ aituynşa, jyl soŋyna deiın apatty jaǧdaidaǧy tört mekteptıŋ mäselesın şeşu josparlanǧan.

«Aldymen arnaiy mamandar ǧimarattyŋ tehnikalyq jaǧdaiyn tekseredı. Eger mektep apatty dep tanylsa, oquşylar uaqytşa basqa ǧimaratqa köşırıledı. Keiın eskı ǧimarat sürılıp, onyŋ ornyna jaŋa mektep salynady», – dedı Aiqoja Äbsadyqov.

Pıkırler