Qazaqstan men Türkiia özara tauar ainalymyn 15 mlrd dollarǧa deiın ūlǧaityp, investisiialyq yntymaqtastyqty jandandyrudy josparlap otyr. Būl turaly Türkiia prezidentı Rejep Taiip Erdoǧan Qazaqstan prezidentı Qasym-Jomart Toqaevpen kelıssözder barysynda mälımdedı, dep habarlaidy «Adyrna» tılşısı.
Ekı el basşysynyŋ kezdesuı aldymen şaǧyn qūramda, keiın keŋeitılgen qūramda öttı.
«Bız tauar ainalymyn 15 mlrd dollarǧa deiın jetkızıp, ekıjaqty qarym-qatynastardyŋ investisiialyq baǧytyn jandandyrudy közdep otyrmyz», – dedı Erdoǧan.
Türkiia prezidentı biyl mamyr aiynda Astanaǧa jasaǧan sapary kezınde taraptar bırqatar maŋyzdy qūjatqa, sonyŋ ışınde Mäŋgılık dostyq jäne keŋeitılgen strategiialyq ärıptestık turaly deklarasiiaǧa qol qoiǧanyn eske saldy.
Onyŋ aituynşa, aldaǧy yntymaqtastyqty nyǧaitu jönındegı naqty qadamdar Strategiialyq yntymaqtastyq keŋesınıŋ kelesı otyrysy aiasynda qarastyrylady.
Kelıssözder barysynda taraptar kölık jäne logistika, energetika, jasandy intellekt, auyl şaruaşylyǧy jäne qorǧanys önerkäsıbı salalaryndaǧy yntymaqtastyqty damytu mäselelerın talqylady. Sondai-aq investisiialyq jäne mädeni-gumanitarlyq bailanystarǧa erekşe nazar audaryldy.
Öz kezegınde Qasym-Jomart Toqaev Türkiia Qazaqstannyŋ ırı bes sauda serıktesınıŋ jäne on ırı investorynyŋ qataryna kıretının atap öttı.
«Bız türkiialyq ärıptesterımızge jan-jaqty qoldau körsetuge jäne olardyŋ biznesı üşın qolaily jaǧdai jasauǧa daiynbyz», – dedı ol.
Sonymen qatar kezdesu barysynda taraptar halyqaralyq jäne öŋırlık kün tärtıbındegı özektı mäseleler jönınde pıkır almasty.
