Türkiiada 6 baldyq jer sılkınısı bolyp, 35 adam zardap şektı, dep habarlaidy “Adyrna” ūlttyq portaly.
Episentrı Diuzdje qalasynan 14 şaqyrym jerde ornalasqan.
Türkiia densaulyq saqtau ministrı Fahrettin Kodja jer sılkınısı saldarynan 35 adamnyŋ zardap şekkenın mälımdedı. Köz jūmǧandar joq.
Jer sılkınısı Ankara men Ystanbūlda, sondai-aq eldıŋ bırneşe qalasynda qatty sezılgen. Degenmen Ankara episentrden 240 şaqyrym, Ystambūl 228 şaqyrym jerde ornalasqan.
"Qolda bar aqparatqa säikes zardap şekkender sany 35-ke jettı. Olardyŋ 32-sı Diuzdje qalasynda, Ystambūl, Bolu men Zonguldakta 1 adamnan zardap şekken", – dep jazdy Fahrettin Kodja.
Ūqsas jaŋalyqtar
