Memleket basşysy Qasym-Jomart Toqaev Reseidıŋ Leningrad oblysynyŋ gubernatory Aleksandr Drozdenkony qabyldady. Būl turaly 19 qazanda Aqordanyŋ baspasöz qyzmetı jazdy, dep habarlaidy «Adyrna» tılşısı.
Kezdesu barysynda Qazaqstan men Reseidıŋ strategiialyq serıktestıgın damytuda öŋıraralyq yqpaldastyqtyŋ maŋyzdy röl atqaratyny atap ötıldı.
Qasym-Jomart Toqaev Leningrad oblysynyŋ önerkäsıp jäne kölık-logistika salalaryndaǧy aitarlyqtai äleuetıne toqtalyp, Qazaqstan atalǧan aimaqpen tiımdı yntymaqtastyq aiasyn keŋeituge daiyn ekenın rastady. Prezidenttıŋ aituynşa, Leningrad oblysymen sauda-ekonomikalyq qarym-qatynastar qarqyndy damyp keledı. Byltyr özara tauar ainalymy 400 million dollardan asqan.
Aleksandr Drozdenko qonaqjailyq tanytqany üşın Memleket basşysyna alǧys aityp, Resei Prezidentı Vladimir Putinnıŋ sälemın jetkızdı. Gubernator Ūly Otan soǧysy jyldarynda Leningrad üşın şaiqasqan qazaqstandyqtardyŋ batyrlyǧy men qaharmandyǧyn erekşe atap öttı. Sonymen qatar olardyŋ erlıgı turaly estelıkter közdıŋ qaraşyǧyndai saqtalatynyna nazar audardy.
Äŋgımelesu barysynda önerkäsıp, atom energetikasy, kölık jäne agroönerkäsıp keşenı salalarynda bırlesken jobalardy jüzege asyru perspektivasy, sondai-aq mädeni-gumanitarlyq baǧyttaǧy yntymaqtastyqty tereŋdetu mümkındıkterı talqylandy.
Memleket basşysy Qasym-Jomart Toqaev Qazaqstan men Resei arasyndaǧy odaqtastyq qatynastardy nyǧaituǧa qosqan ülesı üşın Aleksandr Drozdenkony II därejelı «Dostyq» ordenımen marapattady.
